Basha në Durrës: E futëm Shqipërinë në NATO, sot strehë e kriminelëve

Partia Demokratike organizoi sot në Durrës një takim të hapur në sheshin para bashkisë së qytetit.

Në fjalën para durrsakëve, që kishin dalë në këtë tubim, Basha tha se shqiptarët janë ngritur për të mos u ulur më derisa në Shqipëri, të kemi një demokraci të vërtetë.

Ai komentoi edhe në Durrës raportin e Departamentit Amerikan të Shtetit, publikuar një ditë më parë.

“Dhjetë vjet më parë Shqipëria hyri në NATO dhe unë para nderin të ngrija flamurin shqiptar në NATO si ministri juaj i Jashtëm, bashkë me Kryeministrin Berisha. Bëmë realitet shumë kushte që e bënë Shqipërinë aleate të NATO-s”, tha Basha.

Lideri i opozitës shtoi: “Raporti i DASH e ka fjalën për Edi Ramën, Vangjush Dakon, Saimir Tahirin, Arben Ahmetajn, dhe banda e hajdutëve që vazhdojnë të vjedhin Shqipërinë. Largimi i Ramës është emergjencë kombëtare”.