Basha ironizon Ramën: Qeveris me portal, nuk i jep dot bukë popullit

Kryedemokrati Lulzim Basha, po vazhdon takimet e tij, ndalesa e radhës ka qenë në Paskuqan. Nga aty ai ka ftuar të gjithë banorët e zonës që t’i bashkohen protestës së 16 marsit.

E cilësuar si një nga zonat më të varfra të kryeqytetit, Basha ka inspektuar nga afër gjendjen ekonomike të banorëve duke dëgjuar edhe ankesat dhe nevojat e tyre.

 ‘Qeveritarët nuk janë për të bërë lekër rrushë e kumbulla. Njësoj sic ju jeni në vështirësi të mëdhaja ekonomike, ashtu është edhe shtetit jonë tani. Shteti nuk është portal, dhe portal nuk ju mban dot as me bukë e as nuk I kthen taksat tuaja në investime. Shteti është një familje e madhe ndaj duhet të bëhemi të gjithë bashkë, të krijojmë më shumë mundësi për punësim dhe të bëjëm më të mirën për këtë vend. Ndaj ju ftoj me datë 16 të bashkoheni në protest dhe të ndryshojmë këtë vend,” u shpreh Basha pas takimit me një nga banorët.