Artan Lame emërohet në krye të Kadastrës

Artan Lame është emëruar në krye të Agjencisë Shtetërore të Kadastrës, insitucioni i ri që bashkon ALUIZNI-n dhe Hipotekën.

Ligji i ri për Kadastrën hyri në fuqi pak javë më parë dhe pritet ngritja e institucionit në fjalë. Agjencia e Kadastrës do të jetë në vartësi të Kryeministrit.

Kryeministri Edi Rama ka urdhëruar emërimin e Lames, ish-drejtorit të Përgjithshëm të Agjencisë Shtetërore të Kadastrës. Vendimi është firmosur ditën e djeshme.

Në vendim thuhet:

VENDIM Nr. 155, datë 25.3.2019

PËR LIRIMIN NGA DETYRA TË DREJTORIT TË PËRGJITHSHËM TË AGJENCISË SË LEGALIZIMIT, URBANIZIMIT DHE INTEGRIMIT TË ZONAVE/NDËRTIMEVE INFORMALE

Në mbështetje të nenit 100 të Kushtetutës, dhe të pikës të 6, të vendimit nr. 289, datë 17.5.2006, të Këshillit të Ministrave, “Për organizimin dhe funksionimin e Agjencisë së Legalizimit, Urbanizimit dhe Integrimit të Zonave/Ndërtimeve Informale (ALUIZNI)”, të ndryshuar, me propozimin e Kryeministrit, Këshilli i Ministrave 

VENDOSI:

1. Artan Lame, drejtor i Përgjithshëm i Agjencisë së Legalizimit, Urbanizimit dhe
   Integrimit të Zonave/Ndërtimeve Informale (ALUIZNI), lirohet nga kjo detyrë.
   Ky vendim hyn në fuqi menjëherë.

KRYEMINISTRI
Edi Rama