LIGJET E BIZNESIT
Kuvendi i Shqipërisë ka nisur të plotësohet pas djegies së mandateve parlamentare nga ana e opozitës pak javë më parë. Sot, Komisioni Qendror i Zgjedhjeve u mblodh për të zëvendësuar mandatet e deputetëve të opozitës.
Në Tiranë, Majlinda Halili merr mandatin e deputetes së PD-së, duke zëvendësuar Gent Strazimirin.
Në Durrës, Edlira Hyseni merr mandatin e deputetes së LSI-së, duke zëvendësuar ish-deputeten Nora Malaj.
Në Korçë, Ligoraq Karamelos i jepet mandati i deputetit të PD-së, duke marrë në këtë mënyrë mandatin e Klevis Balliu.
Elda Hotit i jepet mandati i deputetes së LSI-së, duke zëvendësuar ish-deputeten Viktore Tushaj në Lezhë.
Në Berat, Lefter Maliqit i jepet mandati i deputetit të PD-së, duke zëvendësuar Astrit Veliaj në Berat.
Në Gjirokastër, Ediola Brahës i jepet mandati i deputetës së LSI-së, duke zëvendësuar Vangjel Tavon.
Të tjera vende pritet të mbushen në sallën gjysmë bosh të Parlamentit. Alban Zeneli ka kërkuar të drejtën e mandatit në KQZ. Zeneli, i cili ka qenë deputet edhe në periudhën 2013-2017, kërkon tashmë mandatin e Flamur Nokës në Kukës.
