LIGJET E BIZNESIT
Është arrestuar autori i dyshuar për vrasjen e 49-vjeçares Lirie Xhepa, e cila u gjet nga banorët e zonës së Liqenit të Sharrës, e hedhur në shkurre.
Bëhet fjalë për Dashamir Xhepën, që mendohet se vrau kunatën e tij dy javë më pare. Bashkë me të është arrestuar edhe një person tjetër, me inicialet M.S., i cili akuzohet për “përkrahje të autorit të krimit”.
Sipas Policisë, përmes rrugëve operative është zbuluar se ai ndodhen në Peshkopi, ku është kryer edhe arrestimi i tij. Mbi Xhepën rëndojnë akuzat e “Vrasja për shkak të marrëdhënieve familjare”, dhe “Armëmbajtje pa leje”.
Kujtojmë se, Lirie Xhepa u gjet e pajetë pranë liqenit të Sharrës më 14 shkurt. Sipas hetuesve, që kanë bërë edhe zbardhjen e dinamikës së ngjarjes. 49-vjeçarja është vrarë në një tjetër vend dhe më pas trupi i saj është dërguar atje.
Kunati dyshohet se e ka vrarë për shkak se nuk e lejonte që Liria të krijonte një lidhje të re dashurie, edhe pse bashkëshorti i kishte vdekur 10 vite më parë. Lirie Xhepa, nëna e katër djemve u gjet e vrarë me tre plumba dhe me plagë në kokë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
