Akuzohen se vodhën 510 mijë euro, në pranga 9 operatorë të një Call Center-i

Kanë rënë në prangat e policisë 9 punonjës të një Call Center-i të cilët akuzohen për vjedhje. Ata akuzohen se kanë shpërdoruar detyrën duke i shkaktuar kompanisë një dëm prej 510 mijë eurosh.

Gjithashtu janë proceduar në gjëndje të lirë dhe 5 shtetas, ndërsa 6 të tjerë janë shpallur në kërkim.

Njoftimi i plotë

Operacion policor i koduar “Çentralisti” nga Seksioni për Hetimin e Krimit Ekonomik dhe Financiar në bashkëpunim me Prokurorinë e Rrethit Gjyqësor Tiranë.

Ndalohen 9 shtetas për veprën penale “Vjedhje duke shpërdoruar detyrën”. Gjithashtu procedohen në gjëndje të lirë dhe 5 shtetas, ndërsa 6 të tjerë shpallen në kërkim.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Seksioni për Hetimin e Krimit Ekonomik dhe Financiar në DVP Tiranë në bashkëpunim me Prokurorinë e Rrethit Gjyqësor Tiranë, pas një pune intensive hetimore 8 mujore, në kuadër të procedimit penal të vitit 2018, finalizoi operacionin policor të koduar “Çentralisti”, ku u ndaluan shtetasit:

1. F., 36 vjeç, banues në Tiranë.
2. V., 30 vjeç, banues në Fier.
3. K., 33 vjeç, banues në Tiranë

F.A., 27 vjeç, banues në Tiranë

S.B., 35 vjeç, banues në Tiranë

A.D., 34 vjeç, banues në Tiranë

O.S., 22 vjeç, banues në Tiranë

A.G., 38 vjeç, banues në Tiranë

D.O., 25 vjeç, banues në Tiranë

Shtetasit e lartpërmendur kryenin aktivitetin e kundraligjshëm të rimbushjes dhe aktivizimit të paketave promocionale të një kompanie telefonike celulari (jashtë vendit) duke përdorur aplikacione dhe platforma të kundërligjshme dhe kanë realizuar vjedhje duke shpërdoruar detyrën në postet e tyre të punës që kanë në një kompani Call Centri me adresë në qytetin e Tiranës, duke i shkaktuar kompanisë telefonike një dëm prej 510 000 euro.