Është zhvilluar ditën e sotme, seanca për personat e arrestuar pas protestës së 16 shkurtit, në Gjykatën e Tiranës.
Seanca ka qenë plot të papritura, që në fillim të saj pritestuesit kanë trguar se nuk frikësohen, madje të gjithë bashkë edhe nga salla e gjyqit kanë vazhduar t’i thonë një gjë kryeministrit Edi Rama, thjesht “Rama ik!”.Mes tyre është edhe ish-kreu i policisë Bashkiak Florenc Hoxha.
Në vazhdim të seancës të arrestuarit kanëhabitur vazhdimisht gjykatësit me dëshmitë e tyre. Ata ndryshe nga sa ka deklaruar policia kanë thënë se nuk kishin lidhje me protestën. Njëri prej tyre tha se nuk kishte qenë në protestë fare por me të atin në shtëpi.
Qytetari: Kam qenë atë natë me gjithë babën te shtëpia.
Gjyqtarja: Ku ke qenë ti?
Qytetari: Kam qenë në punë dhe te shtëpia. Kam punën time. As kam qenë në protestë fare.
Gjyqtarja: S’ke qenë në protestë?
Salla shpërthen në të qeshura, i arrestuari për protestën i thotë gjykatëses diçka me mikrofon.
Ndërsa një tjetër tha se në protestë kishte shpëtuar një të moshuar që ishte i shtrirë në tokë.
“Unë shpëtova një jetë njeriu, një plak 76 vjeç, që ishte shtrirë përtokë. Ky ka qenë veprimi im. Kam shkuar lart. I shpëtova jetën atij prindi, atij 76-vjeçari, këtë veprim kam bërë. E kemi ulur poshtë dhe kam ikur. Kam shpëtuar një jetë njeriu dhe sot unë quhem kriminel”, tha i arrestuari tjetër.
