VIDEO/ Basha nga protesta: Udhëhiqemi nga vlerat europiane

Me daljen e krerëve, Basha dhe Kryemadhi nga selitë filloi zyrtarisht protesta. Sakaq, këta të fundit janë nisur drejt Parlamenti.

Basha ka dalë nga selia blu në shoqërinë e ish-kryeministrit, Sali Berisha dhe deputetëve të tjerë demokratë.

“Sot është dita e parë e kësaj beteje”, tha Basha. “Bëjmë realitet djegien e mandateve parlamentare. I bindemi urdhrit të sovranit për të mos qenë në kuvendin fasadë. Kjo betejë do të vazhdojë deri sa t’i kthejmë legjitimitetin politik qytetarëve, një Parlament të dalë nga votat e tyre dhe bashkë të hapim derën që do të na çojë drejt Europës”.

Ndërsa theksoi se: “Ne udhëhiqemi nga vlerat europiane të lirisë, demokracisë dhe shtetit ligjor, ndaj e sotmja është një ditë shprese, e fillimit të rrugëtimit drejt Shqipërisë europiane”.

Ndërkohë protesta vijon paqësore, deputetët e opozitës po mbajnë fjalime para kuvendit.