Valë tjetër emigrimi, BE-së i duhen 3.8 milionë punëtorë

Jo vetëm Gjermania, por edhe vende të tjera të Bashkimit Europian kanë shfaqur nevojën për të punësuar 3.8 milionë punonjës. Sipas të dhënave të Instituti Europian të Statistikave, (EUROSTAT) bllokut i duhen punonjës kryesisht nga fusha e mjekësisë, specialistë dhe punëtorë të kualifikuar nga metalurgjia dhe teknologjia e informacionit.

Numrin më të madh të punëtorëve, rreth 1 milion e 200 mijë i kërkon Gjermania, që konsiderohet edhe motori lëvizës i ekonomisë europiane.

Nga janari i vitit 2020, në Gjermani hyn në fuqi ligji i ri i emigracionit, që thjeshton mënyrën e miratimit të vizave gjashtëmujore, për ata që duan të kërkojnë punë në vend. Kjo masë i referohet të gjitha vendeve jashtë Bashkimit Europian, përfshirë këtu edhe ato të Ballkanit Perëndimor.

Sipas EUROSTAT-it, përveç Gjermanisë, rreth 821 mijë punonjës të kualifikuar i kërkon Britania e Madhe, e cila ndiqet nga Republika Çeke me 271 mijë, Polonia me 156 mijë, Belgjika me 149 mijë, Austria me 126 mijë, Spanja me 125 mijë, Suedia me 103 mijë, si dhe Hungaria, të cilës i nevojiten 87 mijë punëtorë të huaj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern