LIGJET E BIZNESIT
Vendimi për djegien e mandateve i ka befasuar të gjithë, madje ka gjetur të papërgatitur edhe mazhorancën. Duke marrë shkasë nga ngjarjet e fundit ditën e sotme, ambasadorja e Gjermanisë në Tiranë, Susane Schutz si dhe ambasadori i BE në Tiranë Luigi Soreca kanë zhvilluar një takim me kreun e PD, Lulzim Basha në selinë blu.
Basha ka zhvilluar fillimish takimin me ambasadoren gjermane dhe më pas edhe ambasadorin e BE në Tiranë.
Pas takimit, ambasadori i BE ka thënë për gazetarët se nesër është një ditë e rëndësishme dhe ndërkombëtarët presin të mos ketë dhunë.
“Fola me të dyja palët dhe u thashë kushtin që ka qartësuar BE. Fola me Bashën dhe theksova rëndësinë e dialogut. Mendoj se nesër është një ditë e rëndësishme ne presim të mos ketë akte dhune dhe të ndiqen proceset demokratike”- është shprehur Luigi Soreca.
Ndërkohë protesta e nesërme është paralajmëruar të fillojë në orën 10:00 para Parlamentit.
