Ashtu siç pritej kanë filluar përplaset e para midis protestuesve dhe policisë. Kjo e fundit ka ndaluar një autobus me protestues që ishin nisur nga Shkodra drejt Tiranës, ndërsa ka fotografuar listat e pasagjerëve.
Burime raportojnë se veprimi i policisë ka bërë që të shkaktohet tension midis dy palëve
Të tjerë protestues me autobusë e mjete private janë nisur nga Shkodra mëngjesin e sotëm për të ardhur në Tiranë në protestën e madhe të opozitës së Bashkuar. PD raporton se nga ky rreth priten 8000 qytetarë.
Më herët deputeti i PD Flamur Noka që ka qenë në një nga pikat ku janë mbledhur protestuesit në Shkodër, tha se sot është dita të flasin qytetarët.
“Siç e shihni janë disa pika ku nisen qytetarët shkodranë drejt Tiranës. Kjo ështën jë nga pikat. masiviteti është i paparë ndonjëherë. Janë me mijëra qytetarë të Shkodrës që po vërshojnë drejt Tiranës.
Sot është dita të flasin qytetarët, sot do flasin shkodranët, do flasin shqiptarët, sot politika hesht. Është dita e tyre. Pritet ajo që qytetarët e dinë vetë. Sot është fjala e tyre jo e politikës”, deklaroi Noka.
Ndërkohë, priten të tjera incidente, të cilat priten të kulmojnë me fillimin e protestave.
