Një ish-oficere e kundër-zbulimit e Forcave Ajrore amerikane është akuzuar si spiune e qeverisë iraniane dhe se ka ndihmuar Iranin të vërë nën shënjestër agjentë të tjerë të zbulimit amerikan.
Monica Witt, 39 vjeçe dezertoi në vitin 2013 dhe u largua në Iran, më parë kishte punuar edhe si oficere e kundërzbulimit amerikan.
Sipas FBI, Witt është parë për herë të fundit në Azinë juglindore në korrik 2013. Më parë mendohej se ajo punonte si mësuese anglishteje në Afganistan apo Taxhikistan. Asaj i ishte dhënë certifikata më e lartë e sigurisë nga autoritetet amerikane ndërkohë që punonte për Forcat Ajrore në periudhën 1997-2008.
Në aktakuzë përfshihen edhe katër shtetas të tjerë iranianë. Ata përballen me akuza për konspiracion, ndërhyrje në kompjutera dhe vjedhje identiteti në lidhje me synimin e Monica Elfriede Ëitt-it për të shënjestruar ish-bashkëpunëtorët e saj në vitet 2014-2015.
