Vendimi i Lulzim Bashës për të djegur mandatet ka zënë në befasi dhe maxhorancën. Sakaq, burime kanë bërë të ditur se në mbledhjen e mbledhjen e grupit të Partisë Socialiste, Kryeministri Rama ka folur edhe për protestën e opozitës ditën e shtunë, ku para deputetëve është shprehur se “protesta ishte e organizuar për dhunë, ndërsa falënderoi edhe policinë.
Kryeministri ka kërkuar që pavarësisht çfarë bën opozita, deputetët e mazhorancës duhet të ecin drejt dhe të organizohen për zgjedhjet vendore. Sipas kryeministrit, Basha po luan bllofin, pasi nuk do të ketë konsensus mes ligjvënësve demokratë.
“Opozita dështoi me sukses të plotë në orvatjen e saj të dëshpëruar dhe tani premton djegie mandatesh. Nëse djegia e mandateve nuk është një tjetër ballo me maska e Lulzim Bashës, pra një çadër në formë bojkoti para zgjedhjeve të qershorit, do të jetë sidoqoftë e vështirë të realizohet konsensusi mes tyre. Dhe Lulzimi e di këtë, por luan blofin”, mësohet të ketë thënë Rama.
