Punime në rrugën Gjirokastër – Tepelenë – Tiranë, ja si devijohet trafiku

Autoriteti Rrugor Shqiptar njoftoi se prej ditës së nesërme, 20 shkurt, do të fillojnë punimet në aksin: Gjirokastër-Tepelenë-Tiranë, per ndërtimin e Bypass-it të Jugut.

Si pasojë e punimeve po të zhvendoset trafiku. Gjithashtu, ARRSH njoftoi se çdo automjet i ndaluar, apo i parkuar përgjatë këtij aksi duhet të shmangë qëndrimin, në rast të kundërt do të ndëshkohet sipas rregullave të Kodit Rrugor.

NJOFTIM I plotë I ARRSH

Prej datës 20 shkurt 2019, trafiku i automjeteve për rrugën nacionale Gjirokastër-Tepelenë-Tiranë (Sh4), si shkak i punimeve për ndërtimin e Bypass-it të Jugut, do të zhvendoset në qytet.

Kalimi i i automjeteve, do të vijojë sipas përcaktimit të kryer nga ARRSH dhe Bashkia Tepelenë, përgjatë gjithë aksit rrugor të markuar me vijat e verdha dhe sinjalizuese.

Me këtë rast ju njoftojmë se çdo automjet i ndaluar, apo i parkuar përgjatë këtij aksi duhet të shmang qëndrimin, në rast të kundërt do të ndëshkohet sipas rregullave të Kodit Rrugor!