LIGJET E BIZNESIT
Protesta e djeshme e “Opozitës së Bashkuar”, ka rezultuar e dhunshme. Protestuesit kanë hedhur vazhdimisht sende të forta kundrejt policisë, ndërsa u tentntua të çahej me forcë kordoni i uniformave blu.
Sot, Policia e Tiranës ka proceduar penalisht 8 shtetas për veprat penale “Prishje të rendit dhe qetësisë publike” dhe “Kundërshtim të punonjësit të rendit publik”.
Policia bën me dije se janë proceduar penalisht në gjendje të lirë, shtetasit:
A. Sh., 26 vjeç, banues në Tiranë;
E. Sh., 30 vjeç, banues në Tiranë;
Gj. L., 44 vjeç, banues në Laç;
P. L., 62 vjeç, banues në Mamurras;
A. P., 25 vjeç, banues në Tiranë;
F. D., 50 vjeç, banues në Tiranë;
B. B., 20 vjeç, banues në Fushë Krujë;
O. G., 22 vjeç, banues në Tiranë.
Ndërkohë, po punohet për kapjen e 12 personave të tjerë. Gjatë protestës së djeshme, janë lënduar 2 punonjës policie, si dhe kanë marrë mjekim nga gazi lotsjellës 8 shtetas.
