Protesta, bllokohet sinjali i internetit, ja për sa kohë

Para Parlamentit po gjëmon protesta e paralajmëruar të shtunën e kaluar. Ndërkohë, mësohet se do të ketë një bllokim të sinjalit të internetit deri në orën 16:00.

Njoftimi është bërë nga kompanitë e telefonisë celulare për abonentët. Njoftimi u ka shkuar kompanive, dhe abonentëve me kontratë. Mësohet se është Agjencia e Komunikimeve Elektronike dhe Postare që ka urdhëruar ndërprerjen e sinjalit të internetit nga ora 11.00-16.00. Ndërprerja do të bëhet në të gjithë bulevardin, përfshi zonën e protestës dhe përreth selisë së Partisë Demokratike. Sipas AKEP-it, ndërprerja e sinjalit është bërë me kërkesë së Policisë.

Protesta e opozitës së bashkuar është e dyta brenda pak ditësh. Ka nisur, ndërkohë protestuesit janë vendosur  para Parlamentit, ku që në orët e para janë stacionuar një numër i madh efektivësh policie.