Paralajmëron Basha: Nuk e njohim policinë, mosbindje civile nga jugu në veri

Kreu i PD, Lulzim Basha ka folur nga selia e PD para simpatizantëve pas mbylljes së protestës para Kuvendit, e cila u shoqërua me tensione dhe policia hodhi gaz lotsjellës disa herë ndaj protestuesve që tentuan të çajnë kordonin. Ndërkohë që protesta zgjati rreth tre orë.

Nga selia blu, Basha theksoi se pas qeverisë dhe parlamentit, opozita nuk njeh më as policinë. Duke e konsideruar Maduron e Ballkanit, Basha i tha kryeministrit Rama se zot i këtij vendi janë qytetarët.

Basha deklaroi se askush nuk duhet të mendojë se mund të fshihet pas imunitetit apo rrobës së policisë kur helmon protestuesit.

“Policia e krimit helmoi sot fëmijë, gra e nëna, duke hedhur gaz lotsjellës. Po i drejtoj një thirrje që do të përgjigjen deri në një për aktet e tyre të turpshme, për sulmet me lëndë helmuese. Ata do të marrin përgjigjen që meritojnë si tradhetarë të shqiptarëve”, tha Basha.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern