Nis marshimi i opozitës, Basha dhe Kryemadhi drejt Kryeministrisë

Ka nisur protesta e Opozitës së Bashkuar, e cila proteston sot kundër qeverisë “Rama”. Kerët e partive opozitare Lulzim Basha dhe Monika Kyemadhi kanë dalë nga selitë përkatëse dhe kanë nisur marshimin së bashku më qytetarër drejt Kryeministrisë.

Qytetarët e rretheve kanë vendosur t’i përgjigjen thirrjes se kreut demokrat, Lulzim Basha dhe janë nisur herët nga rrethet. Ndërkohë, këta të fundit me mbërritjen në Tiranë kanë nisur gjithashtu marshimin drejt Kryeministrië.

Njësoj si në cdo protestë tjetër edhe kësaj radhe bien në sy masat e shtuara të sigurisë rreth Kryeministrisë. Mësohet se janë angazhuar rreth 1300 oficerë policie. Kordoni policor është vendosur edhe në rrugën ‘Ismail Qemali, përballë ‘Rogner’. Ajo që bie në sy është fakti se në rreshtin e parë nuk janë policet femra sic i kemi parë shpesh. Ndoshta kjo është bërë nga frika e një konfrontimi të mundshëm mes protestuesve dhe policisë.