Ndërpreu sinjalin telefonik gjatë protestës, PD kërkon dorëheqjen e kreut të AKEP

AKEP u ka kërkuar tre operatorëve të telefonisë celulare Vodafone, Telekom Albania dhe Albtelecom që të fikin antenat dhe rrjehdimisht, edhe sinjalin për shkak të protestës së opozitës, ditën e djeshme.

Në lidhje  me sakandalin, ka reaguar edhe deputetja e Partisë Demokratike, Albana Vokshi ka denoncuar përmes një postimi në “Facebook”.

Fikja e sinjalit telefonik, sipas saj, është bërë krejtësisht në kundërshtim me ligjin duke krijuar vështirësi në transmetim jo vetëm të mediave vendase dhe ndërkombëtare por edhe për qytetarët e thjeshtë të cilët janë bllokuar me orë të tëra.

Vokshi ka kërkuar edhe dorëheqjen e kreut të AKEP pas denoncimit të këtij skandali.

Statusi i plotë
SKANDALI: #AKEP, vegla në duart #Kryeministrit që kërcënon lirinë e #medias në Shqipëri.
I thirrur “nën armë” në ushtrinë e censorëve, Ilir Zela, në shkelje flagrante të #lirisë së medias urdhëroi fikjen e antenave në zonën ku zhvillohej protesta e opozitës, duke ndërprerë qëllimisht sinjalin e transmetimeve për dhjetra gazetarë ndërkombëtare (Reuters, DË, RAI, Assosiated Press, AFP, Euroneës, Sky Neës etj) dhe vendas që po raportonin në terren.
SKANDALI, merr përmasa edhe më të mëdhaja, sepse dhe për orë të tëra qytetarët e Tiranës, kanë qenë pa asnjë mjet komunikimi, asnjë mundësi informimi apo marrje cdo lloj shërbimi shëndetësor në shkelje flagrante të cdo të drejte kushtetuese.
Justifikimi i AKEP-it, “veglës” së Kryeministrit se u kujdes për sigurinë publike është një gënjeshtër!
Ilir Zela duhet ta ketë firmosur urdhërin me kundra gaz, ndryshe të japë#dorëheqjen për të provuar se nuk po abuzon rëndë me detyrën e pavarur, si një socialist servil i rilindasve pushtues në shtëpinë e tij!