Lëvizje e papritur nga opozita, anulohet protesta e nesërme

Protesta e planifikuar nga “Opozita e Bashkuar”, ditën e nesërme para Kuvendit  është anuluar. Burime nga selia blu kanë treguar se protestat do të zhvillohen në varësi të seancave plenare.

Ndërkaq, kreu i opozitës, Lulzim Basha ka paralajmëruar se protesta e madhe do të zhvillohet më 16 mars, para Kuvendit. Deri më tani nuk ka plane për anulimin e kësaj proteste.

Ashtu siç u tregua edhe protestën e djeshme, seancat surprizë të mazhorancës nuk kanë efekt, pasi protesta e djeshme u organizua në pak orë dhe pati një pjsmarrje të konsiderueshme. Ndërkaq, ajo u shoqërua me tensione, përdorim mjetesh të forta dhe e gazit lotsjellës nga ana e policisë për të shpërndarë demostruesit. Sot policia ka proceduar penalisht 8 protestues, ndërsa 12 të tjerë janë shpallur në kërkim.