Partia Demokratike ka mbledhë sot grupin parlamentar për të diskutuar propozimin e kreut të saj, Lulzim Basha për djegien e mandateve. Ndërsa ka dalë vendimi i marrë nga selia blu.
Grupi parlamentar demokrat ka votuar unanimisht në favor të propozimit të kreut të PD-së, Lulzim Basha për dorëzimin e mandateve të deputetëve.
“Ne jemi në borxh me qytetarët, ata na dhanë besimin, ne duhet të jemi me ta. Gjendja është emergjencë kombëtare. Ky është hap nga pozita e dominimit të forcës popullore. Na takon ne të udhëheqim shqiptarët”, burime bëjnë të ditur se ka deklaruar nga mbledhja Basha.
Ndërsa më herët Kryeministri Rama ka deklaruar se Basha po luan bllofin, pasi nuk do të ketë konsensus mes ligjvënësve demokratë.
