LIGJET E BIZNESIT
Tragjedia e Emiliano Salas i ka prekur të gjithë, por Nantes kërkon 17 milionë euro nga Cardiff. Dy klubet kanë pas probleme për shumën që Cardiff duhet të kalojë në llogari të Nates.
Kujtojmë se francezët e Nantes e kishin shitur kartonin e sulmuesit argjentinas tek uellsianët e Cardiff për shumën e 17 milionë eurove, shumë që do të paguhej nga skuadra e Premier Ligës në 3 këste gjatë 3 viteve të ardhshme.
Kësti i parë duhej paguar përpara disa ditësh, por Nanta i la kohë Cardiff dhe një javë tjetër, javë e cila ka skaduar ndërsa në llogarinë e klubit bregdetar nuk është derdhur asnjë qindarkë.
Nanta ka kërcënuar se do t’i drejtohet FIFA-s, për mosrespektimin e marrëveshjes. Sala humbi jetën më 21 janar, ndërsa po shkonte në kryeqytetin e Uellsit, pikërisht për t’u bashkuar me klubin e ri.
Sala arriti kulmin e karrierës së tij sportive, duke shënuar 12 gola në Ligue 1 me Nantes, gola që ia hapën rrugën për në kampionatin më të fortë në botë, atë të Ligës Premier.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
