Kapen mbi 1 ton kanabis në Kapshticë, 2 në pranga

Në pikën kufitare të Kapshticës janë sekuestruar më shumë se një ton drogë, e cila kishte si destinacion Greqinë. Droga po transportohej me dy kamion, të cilët ishin të ishin të ngarkuar me lëndë ushqyese për bagëtitë, ndërsa janë arrestuar dy drejtuesit e kamionëve, në pranga kanë rënë Zija Hidri dhe Ardian Sako

Burime nga policia tregojnë se hashashi ishte ndarë në 103 thasë dhe u pikas mbrëmjen e së mërkurës nga kufitarët, pas një kontrolli të automjetit.

Të njëjtat burime tregojnë se policia kishte rënë në gjurmën e kësaj linje trafiku droge dhe pas kontrolleve të detajuara, edhe me qen antidrogë, apo me skaner, lënda narkotike u arrit që të zbulohej.

Ndërkaq, policia po vijon hetimet për identifikimin e anëtarëve të tjerë të këtij rrjeti kriminal. Dyshohet se sasia e drogës ka lidhje edhe me personat qe trafikonin një sasi droge që u kap pak kohë më parë në Përrenjas.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern