Aplikimet për 15 vende në SPAK janë të hapura deri nesër. Ndërsa sot kanë qenë katër prokuror të tjerë, të cilët kanë aplikuar për të qenë pjesë e Prokurorisë Speciale Antikorrupsion (SPAK).
Bëhet fjalë për: Altin Dumani , prokuror në Prokurorinë e Apelit Tiranë, Enkeleda Osmani (Xhengo), prokurore në Prokurorinë e Gjykatës së Shkallës së Parë, Durrës, Elida Kackini (Celami) Prokurore në Prokurorinë pranë Gjykatës së Shkallës Parë Tiranë dhe Enkeleda Millonai, Prokurore në Prokurorinë Pranë Gjykatës së Shkallës Parë Elbasan (aktualisht me urdhër të Prokurorisë së Përgjithshme është në pozicionin e Drejtuesit të kësaj Prokurorie).
Bashkë me katër aplikanëtë e fundit shkon në 20 numri i kandidatëve për SPAK.
SPAK së bashku me Gjykatën speciale do të ketë si objektiv korrupsionin e zyrtarëve të lartë dhe krimin e organizuar. Me ngritjen e Prokurorisë dhe Gjykatës speciale, hapet dhe rruga për krijimin e Byrosë kombëtare të hetimit, e cila do të funksionojë sipas modelit të FBI-së amerikane.
Kandidatët e tjerë që kanë aplikuar për SPAK janë:
Vate Staka, Anton Martini, Klodian Braho, Besnik Muçi, Eneid Nakucin, Edvin Kondilin, Dolorez Musabelliu, Eugen Beci, Dritan Prençi, Shkëlzen Cena, Vladimir Mara, Arben Kraja, Besim Hajdarmataj, Vatë Staka, Behar Dibra dhe Dorina Bejko.
