20 persona janë shoqëruar deri më tani në polici, të dyshuar se kanë kryer akte të dhunshme gjatë protestës së opozitës, ditën e sotme. Mes të shoqëruarve është edhe ish-drejtori i policisë bashkiake, Florenc Hoxha.
Mësohet se Hoxha po hetohet lidhur me protestën e sotme të opozitës para Kryeministrisë. Ai rezulton të jetë fotografuar nga shërbimet e policisë në protestë.
Burime nga policia bëjnë të ditur se Hoxha ndodhej në shtëpinë e tij, kur efektivët i ka shkuar për kontroll, e më pas e kanë shoqëruar në komisariat.
Pas përfundimit të protestës u ngrit një grup hetimor që po merret me identifikimin e personave që kryen akte të dhunshme gjatë protestës, duke dhunuar pronën publike. Përveç 20 personave të shoqëruar deri më tani, pritet që të ketë të tjera shoqërime.
