Fermerët nuk dinë çfarë të mbjellin

Në fushat e Myzeqesë kanë nisur mbjelljet e reja me shalqirin e fushës.

Fermerët po përgatiten edhe për mbjelljen e specit dhe domates. Në Drejtorinë e Bujqësisë në Lushnje thonë se janë dhënë orientime.

Top Channel pyeti disa fermerë duke punuar në fushat e Divjakës, por ata nuk ishin në dijeni të orientimeve që shmangin mbiprodhimin apo mbjelljet e pakta në krahasim me kërkesën e tregut.

Çmimet e disa perimeve si qepa dhe preshi në tregje kanë qenë më të larta këtë vit dhe për këta fermerë ky është vetëm fat. Sipas Top Channel, ata punojnë me frikë se vitin tjetër do të detyrohen ta hedhin sërish në kanal punën e një viti.