Vendimi i dhënë për Dritan Dajti, personazhi tashmë i njohur i drejtësisë shqiptare, të cilit i është anuluar dënimin me burgimin të përjetshëm dhe i është dhënë gjykimi i shkurtuar, përfundimtar, me 25 vjet heqje lirie, u këndërshtua gjerësisht.
Vendim ky që u konsiderua si i padrejtë. Për herë të parë, ditën e sotme ka reaguar edhe Kryeministri Edi Rama, në lidhje me vendimin.
I pyetur nga një qytetar gjatë takimit në Lezhë, Rama tha se ne nuk do ti ndahemi këtij vendimi dhe do bëjmë çdo gjë që ta zhbëjmë, ndërsa shprehu keqardhjen për vendimin e gjyqësorit.
“Kemi të bëjmë me njerëz të ligj dhe të korruptuar të cilët nuk janë vetëm ata. Nuk do ti ndahemi kësaj çështje dhe këtë vendimi do ta bëjmë duke bërë të gjithë presionin e nevojshme, edhe para gjykatës, besoj se nuk t’ia dalin kaq lehtë. Këta lloj gjykatësish dhe prokurorësh janë si tumore, dhe i keni parë sesi vetingu po i largon të gjithë një nga një”, tha Rama.
Më tej kreu i qeverisë ka shtuar se në burg të çon drejtësia dhe jo kryeministri. Ai tha se e akuzuan se është miku i Dritan Dajtit, ndërkohë që sipas tij raportet ndërkombëtare tregojnë se ai ka lidhje me ish-kryeministrin Berisha.
“Kryeministri nuk fut njeri në burg, në burg të çon drejtësia dhe për të nxjerre para ligjit të gjithë ata që kanë probleme, duhet një drejtësi e drejtë, por ne nuk e kemi pasur, sepse e kanë penguar gjykatës si këta, si ai i Tiranës, Saliu, që e bën vrasjen e katër policëve mikun tim, ndërsa është e shkruar se ai kishte lidhje me Saliu.
Kemi pas dhe do të kemi të tilla procese, sepse këta njerëz kriminel me kostum e me kravatë nuk ndalen para parasë, se janë mësuar 30 vjet ta bëjnë këtë gjë… të rivrasin të vrarë, të ripërdhunojnë gra dhe vajza të përdhunuara
Por kjo reformë do kohë, dhe pse e kemi bërë me shpejtësi. Një kalbësirë nuk zhbëhet dot sa hap e mbyll sytë. Dhe për më tepër, inati legjitim, revolta ndaj padrejtësive, nuk mund të përkthehet në budallallëk që pse nuk i fut ti në burg. Jo! Qeveria ka të drejtë të bëj ligjin.
Kjo është përgjigja ime. Nuk mund të themi që e ka fajin drejtësia, se këta maskarenj arrijnë të na bëjnë budallenj duke shkelur mbi gjakun e policëve. Sistemi i drejtësisë është i duhuri, por nuk është kollaj për ta ndryshuar.
Janë beteja të cilat kanë edhe problemet e tyre, ka edhe dështime dhe situata të vështira, por sot me ata nuk ka asnjë të krahasuar Guxon Saliu t’i drejtojë gishtin Sandër Lleshajt, për gjykatës që janë aty prej mbështetjes së Saliut”, tha ai.
