Raportuesi për Shqipërinë në Parlamentin Europian dhe eurodeputeti gjerman, Knut Fleckenstein e ka konsideruar një prishje kontrate djegien e mandateve nga deputetët e opozitës. Ai ka dhënë një intervistë për Deutsche Welle, ku ka komentuar edhe protestën e opozitës.
“Mos prisni që gjithmonë të vijnë arbitër nga Brukseli për të sheshuar çdo grindje. Djegia e mandateve është një lloj prishje kontrate. Parlamentarët duhet të bëjnë punën e tyre në parlament. Në Tiranë protestat duhet të jenë, të bëhen, por e rëndësishme është që të jenë paqësore.
Është e vështirë t’iu jap një këshillë tani partive të opozitës. Këshilla për qeverinë është natyrisht, vazhdoni reformat, vazhdoni me procesin e vetingut”, është shprehur Knut Fleckenstein.
