Ministrja e Shtetit për Marrëdhëniet me Parlamentin, Elisa Spiropali është ë përfshirë në skandale, të cilat përshijnë edhe familjen e saj.
Ditën e djeshme BoldNews publikoi disa dokumenta, sipas të cilave bashkëshorti i Elisa Spiropalit, i ka dhënë vëllait të gruas, pra kunatit të tij tendera me vlerë 350 mijë dollarë.
Një trekëndësh biznesi ndërmjet Salarjon Totaj (bashkëshorti i Spiropalit), Enkli Spiropalit (vëllai i Spiropalit) dhe Marjus Memushajt (krushku i Spiropalit) ka shënuar ndoshta një prej skemave më arbitrare të konfliktit të interesit shkruan Bold Neës duke theksuar se paktën 350 mijë dollarë është shifra e përfitimeve që ka realizuar ky trekëndësh.
Në lidhje me denoncimin, para pak miniutash ka dalë për një deklaratë për mediat edhe deputetetja e PD-së, Jorida Tabaku e cila kërkoi hetim për këtë rast, ndërkohë, sqaroi skemën e komplikuar.
Pas denoncimeve të njëpasnjëshme ka reaguar edhe e akuzuara Elisa Spiropali, përmes një postimi në “Facebook”, ajo ka hedhur poshtë akuzat dhe thotë se vëllai i saj nuk përfituar kurrë dhe asnjëherë asnjë kontratë apo fond publik.
Ministrja shprehet se do të padisë PD në gjykatë për akuzat dhe sipas saj paratë për dëmin do të shkojnë për të ndihmuar kopshtin e Kolonjës.
Reagimi i plotë i Spiropalit:
E porosit Saliu, pastaj e nxjerr një frëngji e paguar nga fondet e zeza te Shqupit, pastaj del në këndin e shpifjeve dixhitale të Saliut, pastaj e këndon recituesja e Shqupit dhe ja u krye hedhja e bojës mbi tjetrin! Sot ishte radha ime dhe këtë radhë u bë im vëlla mish për top i kësaj opozite mavri me boje.
Vëllai im nuk ka përfituar kurrë dhe asnjëherë asnjë kontratë apo fond publik, as kur isha beqare, as kur u martova, as kur isha aktiviste, as kur isha drejtore, e as tani si ministre. Po fjalët me këta gojështhurur janë të tepërta. Padia është e vetmja rrugë me këta bartës e përçues të horrllëkut politik. Në gjykatë le të provojnë çfarë akuzojnë ose përndryshe paratë për dëmin do të shkojnë për të ndihmuar kopshtin e Kolonjës.
