LIGJET E BIZNESIT
Kaosi politik në Shqipëri dhe ecuria e zbatimit të reformave sa i takon hapjes së negociatave të anëtarësimit në BE këtë qershor, kanë sjellë dje në Tiranë një delegacion të Parlamentit Europian.
Në përfundim të takimit mengjesin e sotëm me kreun e Kuvendit, Gramoz Ruçin, zyra e shtypit të Kuvendit ka shpërndarë njoftimin, me disa prej deklaratave.
Eurodeputetët kanë deklaruar se ata mbështesin anëtarësimin e Shqipërisë, por thonë se përpjekjet për të vonuar hapjen e negociatave nuk i mbështesin.
Madje raportuesi për Shqipërinë, Knut Fleckenstein ka deklaruar se po e humbet durimin nga qëndrimi i opozitës, ndërsa i bën thirrje Kryemadhit që mos pengojë negociatat.
Kelam: PE mbetet mbështetës i madh i anëtarësimit të Shqipërisë. Përpjekjet për të vonuar çeljen e negociatave nuk kanë mbështetjen tonë. Reforma në drejtësi është thelbësore për qeverisjen dhe besimin e qytetarëve. Po ikim me përshtypje pozitive për arritjet tuaja. Negative, ndarja politike dhe mungesa e bashkëpunimit. Është përgjegjësia e të gjithëve ju të bashkëpunoni për interesin kombëtar. Arrini konsensus dhe na dërgoni një sinjal pozitiv për negociatat
Fleckenstein: Po humbas durimin nga qëndrimi i deputetëve të opozitës. Protestat të ruajnë qetësinë. Pamjet e protestave vonojnë integrimin.
Preda: Kam vëzhguar zgjedhjet e 2017 dhe ishin korrekte. Në 5 mars informojmë PE për arritjet tuaja. Ka ende mundësi që opozita të kthehet në Kuvend, pas 10 ditësh do jetë vonë.
