Deklarata e Haradinaj: Njohje reciproke me Serbinë me kufijtë ekzistues

Kryeministri i Kosovës, Ramush Haradinaj është shprehur se në dekadën e dytë të pavarësisë duhet të arrihet një marrëveshje me Serbinë me njohje reciproke me kufijtë ekzistues. Këtë deklaratë ai e bëri gjatë mbledhjes solemne të qeverisë së Kosovës në 11 vjetorin e Pavarësisë.

Haradinaj nënvizoi se vendi nuk e ka luksin të bëjë hapa prapa. “Në dekadën e dytë, është një vit i konsolidimit tonë si shtet i mbylljes së temave të hapura si dhe një marrëveshje për njohje me Serbinë dhe anëtarësimi ynë në NATO.

Bindja ime është se Kosova nuk e ka luksit të bëjë hapa prapa, por vetëm përpara dhe këtë duhet t’ia bëjmë të ditur edhe ndërkombëtarëve”, u shpreh kryeministri kosovar.