Seanca e sotme e Kuvendit të Shqipërisë,është shoqëruar me tensione. Pasi deputeti demokrat, Edi Paloka hodhi bojë të zezë në fytyrën e kryeministrit Edi Rama, është ndërprerë seanca.
Në lidhje më incidentin ka reaguar edhe ish-kryeministri, Sali Berisha. Ky i fundit u shpreh me indinjatë për sjelljen e Ramës, aq edhe me humor për sjelljen e Palokës.
Berisha tha:” Kryetari i opozitës nuk i bëri asnjë fyerje personale, përveçse i tha ato që ia thotë çdo shqiptar. Kurse ai iu lëshua me gojështhurjen e tij, me fjalë të cilat ishin ofenduese. Duhet të marër fund njëherë e mirë, ofendimi dhe sharjet . Se është sharës i lindur ai, nuk ka kusure opozita.
Ndërsa I mohoi akuzat se palooka kishte marrë bojë me vete.
Pyetje: Zoti Berisha, e dinte Edi Paloka që do të shante Edi Rama, ndaj mori bojë me vete në seancë?
Berisha: Urdhëro?! Po ku e di ti në mori bojë apo ishte stilografi?! Më thuaj, se ju po bëni dhe dedektivin tani! Po ai mund të kishte një stilograf me vete.
Pyetje: Duket nga pamjet e shpërndara nga PD-ja se kishte një shiringë.
Berisha: Kush?
Pyetje: Zoti Paloka.
Berisha: Mos ngatërroni gjë stilografin me shiringën, apo jo?! Ngatërron stilografin me shiringën!
Pyetje: A nuk është shkelje etike të bëhen skena të tilla, kur kishit edhe një mysafir në Kuvend?
Berisha: A ka gjë më të rëndë sesa kryetari i qeverisë në çdo dalje, shan opozitën?! Nuk ka asgjë më të rëndë. Nuk ndodh kund në botë. Vetëm në Venezuelë, me Maduron ndodh kjo. Këta janë gangsterë!
