Opozita ka paralamëruar protestën e ardhshme, e cila do të mbahet nesër orës 10:00 para Parlamentit.
Ndërkohë, policia ka punuar për të hartuar një plan masash për mbarëvajtjen e protestës, duke marrë shkasë nga ngjarjet e të shtunës.
Për nesër, 1000 deri në 1200 forca policie pritet që të angazhohen në mbarëvajtjen e kësaj proteste më pak se protesta e kaluar, ku morën pjesë 1300 efektivë.
Shpërndarja e uniformave blu pritet të jetë e ngjashme me protestën e së shtunës. Përballë protestuesve me një kordon që do të jetë përgjatë gjithë rrethimit të Parlamentit do të jenë punonjësit e rendit dhe ata Shqiponja, ndërsa forcat e FNSH do të jenë në gatishmëri në bulevardin “Zhan Dark” dhe brenda rrethimit të xhamisë së Namazgjasë.
Në gatishmëri pranë godinës së Parlamentit do të jenë edhe Garda e Republikës, e cila në rast se nga ana e protestuesve do të ketë tentativa për të hyrë në Parlament dhe për të berë akte dhune do të përdorë gaz lotsjellës. Për këtë arsye nesër do të ketë kontroll të rreptë për këdo që do të futet në ambientet e brendshme të Parlamëntit.
Të gjithë duhet të jenë të pajisur me mjete identifikimi. Që të mos shkaktohen probleme nga gazi, Garda ka kërkuar që gazetarët dhe punonjësit të marrin masa për tu ruajtur nga gazi.
Në gatishmëri pranë ambienteve të Parlamentit do të jenë dhe zjarrfikëset dhe ambulancat. Kufizime për qarkullimin rrugor do të ketë tek “Xhorxh Bush” dhe pjesërisht në bulevardin “Zhan Dark”. Autobusët si herën e parë s’do lejohen në qytet. Të ardhurit nga Veriu do ndalohen tek “Asllan Rusi”, kurse të ardhurit nga Jugut tek Ekonomiku.
Ndërkohë Kuvendi nuk ka bërëpublike orën në të cilën do të zhvillohet seanca e nesërme, me sa duket ky është “PlaniB” i mazhorncës për protestën.
Sakaq, opozita planifikon t’i mbajnë ‘peng’ aty brenda deputetët e PS-së, derisa mazhoranca të tërhiqet dhe të pranojë kërkesat e tyre për qeveri tranzitore dhe zgjedhje të përgjithshme përnjëherë me zgjedhjet lokale.
