Përplasjet mes policisë dhe protestuesve po vazhdojnë ende. Protestuesit kanë çarë disa herë kordonin e policisë dhe i janë drejtuar Kryeministrisë, ndërsa kjo e fundit i është kundërpërgjigjur duke hedhur me zorrë, gaz lotsjellës.
Nga përplasjet ka pasur një numër të konsiderueshëm të plagosurish, të cilët kanë qenë policë, gazetar e protestues. Ndërkohë, ministria e Shëndetësisë raporton se 15 persona kanë mbetur të plagosur nga protesta.
Sipas saj, ata po marrin trajtimin e nevojshem. Aktualisht, autoambulancat dhe ekipet e urgjencës mjekësore janë në gatishmëri.
Deklarata e plotë
Ekipet e urgjences mjekesore kane derguar ne QSUT 5 police, dy perfaqesues te medias dhe 5 protestues.
Aktualisht po marrin trajtimin e nevojshem dhe mjeket konfirmojne se jane ne gjendje te stabilizuar shendetesore.
Me heret, 2 police me demtime ne koke dhe kurriz,nga mjete te forta, u derguan ne spitalin e Traumes, ku po marrin mjekimin e duhur mjekesor.
Ne total, jane 15 persona qe po marrin trajtim mjekesor ne 3 spitalet universitare te Tiranes.
Urgjenca mjekesore ne terren dhe ne spitale eshte ne gatishmeri te plote.
