Krerët e opozitës kanë zhvilluar pak më parë një takim me delegacionin e Parlamentit Europian. Takimi ka ardhur një ditë pas protestës, gjithashtu mendohet se është diskutuar gjithashtu edhe per kaosin politik në vend, ku opozita para pak ditësh vendosi të djeg mandatet.
Pas takimit kreu i PD, Lulzim Basha ka folur për mediat. Ndërkohë që theksoi se eurodemokratët janë informuar për gjendjen në Shqipëri.
“Dua të falënderoj eurodeptuetët për mundësinë që i dhanë opozitës për te treguar gjendjen në të cilën ndodhet Shqipëria. Natyrisht një nga problemet më të mëdha që ka vendi është mungesa e informacioni eh deziforimi.
Ishte me rëndësi që të flisnim hapur dhe shkoqur me miqtë tanë dhe t’u shpjegonim atyre gjendjen ku ndodhet vendi dhe se opozitës nuk i është lënë asnjë mundësi tjetër ose të bëhet njish me krimin dhe oligarkinë ose t’u tregojë shqiptarëve se ky sistem ka rënë. Shqetësim i ndërkombëtarëve është stabiliteti i vendit. Zgjidhja është largimi i Ramës, zgjedhje te parakohshme dhe qeveri tranzitore. Shqipëria s’ka as demokraci dhe as stabilitet, ta kuptojnë ndërkombëtarët”- tha Basha.
Liderët e opozitës, Lulzim Basha dhe Monika Kryemadhi, janë takuar të parët me eurodeputetët, në selinë e Bashkimit Europian në Tiranë.
