LIGJET E BIZNESIT
Protestuesit janë zhvendosur përpara selisë së Partisë Demokratike, aty ku kryetari Lulzim Basha ka mbajtur edhe fjalën e tij. “E duam Shqipërinë si gjithë Europa”, ka deklaruar Basha në çelje të fjalimit të tij, duke u pasuar me thirrjet e mbështetësve të opozitës.
“Mandatet i dorëzuam, jemi qytetarë të thjeshtë me ju dhe për ju. Nisim sot një rrugëtim shprese dhe nuk do të ndalemi derisa ta largojmë kryehajdutin dhe qeverinë e tij kriminale. Rama ik! Nisim këtë rrugëtim shprese dhe force, për largimin e Maduros së Ballkanit dhe Europës dje për të kthyer besimin se Shqipëria do të ketë një të ardhme, e cila nuk i takon kriminelëve dhe miqve, nuk i takon narkotrafikatëve dhe oligarkëve që iu kanë hequr bukën nga tavolinat, nuk I takon Edi Ramës dhe bandës së tij hajdute. Do të kemi një qeveri të popullit dhe për popullin”, u shpreh Basha.
Kryetari i opozitës deklaroi se do të hapim derën e Europës, se ky është mesazhi i popullit, teksa ka paralajmëruar protesta në të gjithë vendin, “Tiranë, Shkodër, Vlorë, Korçë, Dibër, Tropojë, anembanë vendit”.
Në fund të fjalës së tij, kryetari i demokratëve ka kënduar Himnin Kombëtar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
