LIGJET E BIZNESIT
Kryetari i PD-së Lulzim Basha mbajti një takim me aleatët, për të diskutuar vendimin për dorëzimin e mandateve të deputetëve, i cili zgjati 60 minuta. Në takim me Bashën ndodheshin: Nard Ndoka, Fatmir Mediu, Dashamir Shehi, Vangjel Dulen dhe Agron Duka.
Në përfundim të takimit kryedemokrati Basha njoftoi se aleatët, ashtu si edhe deputetët e PD janë gati të djegin mandatet
“Ky sot ishte takim pune, vendimi per djegien e mandateve është vendim i opozitës së bashkuar”, tha Basha.
Kreu i PR-së, Fatmir Mediu tha se aleatët janë gati të djegin mandatet duke iu bindur kështu urdhrit të qytetarëve shqiptarë që protestuan e që nuk e duan më Ramën kryeministër.
“Ne kemi koalicion politik të hershëm, për këtë vendim kemi besimin e qytetarëve që na treguan se Rama nuk mund ta qeverisë më vendin. Dalim me një qëndrim të përbashkët, besoj që do jetë vendim unanim. Mendoj që është në të mirën e vendit, duhet qeverisje që i përgjigjet interesave të vendit, jo interesave klanore”,- tha ai.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sakaq, ende po pritet vendimi i deputetëve të LSI-së, vendimi i tyre pritet të dalë pas orës 17:00, pas mbledhjes së partisë. Deri më tani, Kryemadhi ka përgëzuar vendimin e demokratëve.
