Kanë dalë afatet për pagesën e detyrimit vjetor, për bizneset në zonën e Tiranës.
Bashkia e Tiranës ka njoftuar subjektet që ushtrojnë aktivitet ose zotërojnë një apo më shumë prona të kategorisë njësi shërbimi në territorin e Bashkisë Tiranës se: janë gjeneruar taksat dhe tarifat vendore për vitin 2019.
Bashkia ka njoftuar se detyrimet duhet të shlyhen brenda datës 20 Prill 2019, ndërsa për truallin dhe Taksa mbi Tokën Bujqësore mund të paguhet në dy këste. Në njoftim thuhej se kësiti i parë duhetë të shlyhet në (50% të vlerës) brenda datës 20 Prill 2019, ndërsa kësti i dytë (50% e vlerës) brenda datës 30 Qershor 2019.
NJOFTIMI I PlOTË:
Afatet
Pagesa e Detyrimit për vitin tatimor duhet të kryhet:
-Tarifa e Pastrimit, Taksa e Infrastrukturës Arsimore dhe Taksa e Tabelës, brenda datës 20 Prill 2019
-Taksa mbi ndërtesën, Taksa mbi truallin dhe Taksa mbi Tokën Bujqësore mund të paguhet në dy këste.
Kësti 1: (50% e vlerës) brenda datës 20 Prill 2019. Kësti 2: (50% e vlerës) brenda datës 30 Qershor 2019.
Mënyrat e pajisjes me detyrimin tatimor
Çdo subjekt mund te njihet me detyrimin përmes:
-faqes zyrtare të DPTTV (ëëë.dpttv.gov.al), pasi të jetë pajisur me kredencialet
-sporteleve të asistencës në DPTTV
-portalit e-albania
-operatoret financiarë Easypay, AK-invest dhe Unioni Financiar.
-kërkesës me e-mail në adresën [email protected] (për personat që jetojnë jashtë territorrit të Republikës së Shqipërisë dhe kanë në pronësi njësi shërbimi ose në pronën e tyrë ushtrohet aktivitet)
Pagesa mund të kryhet pranë Postës Shqiptare, bankave të nivelit të dytë, operatoret e tjerë financiarë Easypay, AK-invest dhe Unioni Financiar.
