Shehi: Sulmi i opozitës do të jetë 360 gradë. Ja kur do të jetë protesta tjetër e madhe

Lulzim Basha ka organizuar sot një mbledhje, ku kanë marrë pjesë aleatët e tij. Në mbledhje është rakorduar vijimi i aksionit opozitar, pas djegies së mandateve, ndërsa u paralajmërua vazhdimi i protestave opozitare cdo të enjte para Parlamentit.

“Kërkesat mbeten po ato, largimi i Ramës dhe qeveri teknike. Zgjedhje të reja dhe të lira po të jenë të zot le të fitojnë prapë”, tha Shehi.

I pyetur a ekziston skenari i tërheqjes së të zgjedhurve lokalë?

“Nuk e kemi disktuar këtë punë. Këto do të diskutohen pas datës 16. Të jeni të sigurtë që sulmi i opozitës do të jetë 360 gradë. Në të gjitha institucionet, në të gjithë hapësirën shoqërore, politike dhe ndërkombëtare. Këtë do e përcaktojmë pas datës 16 mars kur do të jetë dhe protesta e madhe”, deklaroi Shehi

Në selinë blu kanë qenë të pranishëm kryetarja e LSI-së, Monika Kryemadhi, kreu i Grupit Parlamentar të LSI-së, Petrit Vasili, kreu i  PAA Agron Duka, kreu i PR Fatmir Mediu dhe kreu i LZHK-së Dashamir Shehi.