Gjykata e Tiranës la në arrest me burg 7 nga të arrestuarit që protestuan me 16 shkurt, ndërsa 5 prej tyre u lanë të lirë. Gjashtë të tjerë u dënuan me masën “arrest shtëpie”. Mes të arrestuarve në burg u la dhe ish-kreu i policisë bashkiake, Florenc Hoxha.
Menjëherë pas daljes së masës së dhënë nga Gjykata e Tiranës, ka reaguar edhe kreu i grupit parlamentar të Partisë Demokratike, Edmond Spaho.
Spaho ka dënuar vendimin e gjykatës, duke e thënë se vendime është dhënë pa prova, sakaq, në protestë është prish vetëm “Kërpudha”.
“Të gjithë të pandehurit deklaruan se ishin në protestë dhe protestonin kundër qeverisë së Edi Ramës, në emër të tyre, të familjeve të tyre për një të ardhme më të mirë. Të gjitha veprimet e gjykatës motivoheshin politikisht. Asnjë fakt, asnjë provë për ato që i akuzojnë, gjoja prishje te pronës publike. Mosrespektim të forcave të rendit. Aty është prishur vetëm kërpudha e Kryeministrit.
Kreu i grupit demokrat dënoi me ashpërsi shoqërimin e Florenc Hoxhës, i cili sipas tij, u tërhoq zvarrë nga Forcat e Ndërhyrjes së Shpejtë, në sy të fëmijëve dhe të familjarëve.
Në asnjë rast nuk pati konfrontim mes policisë dhe qytetarëve. I dënoj me forcë këto veprime të policisë dhe prokurorisë. FNSH me maska e tërhoqën hoqën zavarrë Florenc Hoxhën në sy të familjes dhe fëmijëve. Të pandehurit kërkuar të merrnin pjesë në protestën e ditës së enjte. I bëj thirrje qytetarëve të jenë edhe më shumë në protestë për ta rrëzuar Edi Ramën”, tha ai.
