LIGJET E BIZNESIT
Edhe pak orë na ndajnë nga protesta masive e opozitës. Në pritje të protestave është edhe polica e shtetit dhe Kryeministia, të cilat kanë marrë masa për çdo lloj situate.
Burime bëjnë të ditur se do të aktivizohen rreth 1300 efektivë policie të komisariateve të Tiranës.
Në gatishmëri do të jenë edhe forcat Shqiponja, FNSH, e RENEA. Të njëjta burime trgojnë se 900 punonjës të rendit do të vendosen vetëm te Kryeministria.
Sakaq, para pak minutash Policia e Shtetit dha edhe një deklaratë zyrtare ku bënte me dije se elementë të rrezikshëm kriminalë janë të përgatitur për dhunë.
Ndryshe nga herët e tjera, raportohet se në protestë do ketë më pak efektive femra. Medohet se ky vendime është marrë pas ngjarjes ku mbeti e plagosur efektivja Ina Nuka.
Policia u ka bërë një thirrje edhe qytetarëve, të cilët nuk do të jenë pjesë e protestës që të qëndrojnë larg Kryeministris. Gjithashtu janë paralajmëruar kontrolle të shtuara në disa akse rrugore për të siguruar mbarëvajtjen e jetës publike dhe vetë protestës.
