Uniformat blu bëjnë me dije se janë arrestuar: Sokol Pali, 36 vjeç, banues në Shkodër. Aleks Martini 28 vjeç, dhe Pjetër Martini 29 vjeç, (vëllezër) pasi pas një konflikti kanë plagosur me thikë 38-vjeçarin.

Mësohet se 38-vjeçari është vëllai i një oficeri të Krimeve.

NJOFTIMI ZYRTAR I POLICISE

Zbardhet dhe dokumentohet ngjarja e ndodhur mesditën e 12 gushtit, ku mbeti i plagosur shtetasi V. Sh.

Vihen në pranga nga Policia e Shkodrës 3 autorët e dyshuar të ngjarjes

Nga strukturat e Drejtorisë Vendore të Policisë Shkodër në bashkëpunim me Komisariatin e Policisë Shkodër, pas një pune të mirëorganizuar dhe intensive u bë kapja dhe arrestimi i shtetasve:

1. P. 36 vjeç, banues në Shkodër.
2. M. 28 vjeç, dhe P. M. 29 vjeç, banues në lagjen “Mark Lula”, Shkodër, (vëllezër).

Më datë 12.08.2019, rreth orës 12:10, në lagjen “Mark Lula”, pas një konflikti të çastit, në bashkëpunim me njëri-tjetrin kanë plagosur me armë të ftohtë (thikë) shtetasin V. Sh. 38 vjeç, banues në Dobraç, Shkodër, i cili po merr mjekim në Spitalin Rajonal Shkodër, nën kujdesin e mjekëve.

Materialet i kaluan Prokurorisë Pranë Gjykatës së Shkallës së Parë Shkodër për veprat penale “Plagosja e rëndë me dashje” e kryer në bashkëpunim” dhe “Prodhimi, mbajtja, blerja apo shitja pa leje e armëve të ftohta” .

The post Plagosën me thikë vëllain e oficerit të policisë, arrestohen dy vëllezërit dhe bashkëpunëtori (EMRAT) appeared first on Fast News Economy.