Ditën e sotme ai i ka kthyer përgjigje një ndjekësi i cili e ka pyetur në lidhje me ish-kryetarin e Bashkisë Durrës Vangjush Dako, i cili u shpall “non-grata” në SHBA pak ditë më parë.

“Per lasgushin e morem vesh qe do fluturoje, po per vangjushin ke ndonje koment qe nuk fluturon dot”, e pyet ai, por duket se kjo e ka irrituar kryeministrin.

“Jo kam nje koment per ty si interist qe perderisa moret nje juventin t’ju nxjerre nga bataku, qepeni gojen dhe rrini urte e thoni Grazie Juve per cdo fitore”, i është përgjigjur Rama.

The post E pyet për Dakon, Rama i kthehet keq komentuesit: Qepe gojën dhe rri urtë appeared first on Fast News Economy.

Burime nga Prokuroria e Krimeve të Rënda bëjnë me dije se është lëshuar fletë-thirrje për Vangjush Dakon, për ta marrë në pyetje në muajin shtator.

Mësohet se ish-kryebashkiaku i Durrësit  do të merret në pyetje në lidhje me dosjen 339, por ende nuk dihet nëse prokuroria disponon prova të reja.

Në shtator Dako do të paraqitet në Prokurorinë e Krimeve të Rënda për here të dytë.

The post U shpall “Non-Grata” në SHBA, Krimet e Rënda lëshojnë fletë-thirrje për Vangjush Dakon appeared first on Fast News Economy.

Në intervistën e tij për Zërin e Amerikës, Dako është treguar shumë i hapur, duke thënë se DASH kishte prova dhe dëshmi të forta për përfshirjen e tij në afera korruptive të mëdha.

Sipas zyrtarit të lartë amerikan ekziston një shpresë që pas këtij vendimi të mund të krijohet një klimë besimi se SHBA vijon të jetë fuqishëm në luftën kundër korrupsionit në nivele të larta.

“Mendoj se çështja këtu për Shtetet e Bashkuara është se kemi pasur dëshmi të forta në lidhje me aktivitetet e korrupsionit nga ana e zotit Dako. Dhe ne kemi autoritetet që janë të nevojshme për të ndërmarrë veprime në përgjigje të kësaj. Do të shpresoja që ky veprim të demonstronte angazhimin e Shteteve të Bashkuara për të luftuar kundër korrupsionit dhe për të ndërmarrë veprime atje ku ka prova të forta dhe bindëse të praktikës korruptive. Ky është një autoritet që ne e kemi. Është një autoritet që ne me siguri nuk kemi frikë ta përdorim. Dhe është një autoritet që ne besojmë se mund të kontribuojë në procesin e luftimit të korrupsionit publik në Shqipëri dhe gjetkë.”- tha Palmer per VOA.

The post Dako non grata, Palmer flet hapur: Kemi dëshmi të forta korrupsioni kundër tij appeared first on Fast News Economy.

Në 2004-2005, sipas CV-së së publikuar nga vetë Vangjush Dako, ai mori drejtimin e hipotekës në këtë qark, duke e mbajtur si pozicion deri në kohën kur dha dorëheqjen për të kandiduar në zgjedhjet vendore të 2007 për kryetar bashkie të Durrësit si emër i propozuar nga Partia Socialiste.

Socialistët e drejtonin këtë bashki, të dytën për nga rëndësia pas bashkisë së Tiranës edhe në mandatin pararendës me Lefter Kokën, që nuk u kandidua në 2007. Përballë tij, Vangjush Dako kishte Armand Telitin e Partisë Demokratike. Pas dy mandatesh të socialistëve në krye te Durrësit, zgjedhjet duhet te ishin një formalitet për Partinë Demokratike. Por nuk ndodhi ashtu. Durrësi rezultoi një surprizë për të gjithë. Gara ishte e ashpër dhe hera-herës me akuza të forta nga të dyja palët si në nivel qendror ashtu edhe vendor për manipulime, shit-blerje votash dhe intimidim të votuesve. Në fund, me një grusht prej 308 votash diferencë nga 38 mijë vota në total, Vangjush Dako u shpall fitues.

Vitet e para të Vangjush Dakos në krye të bashkisë së dytë më të madhe në vend rrodhën të qeta dhe të patrazuara me akuzat e korrupsionit dhe të shpërdorimit të detyrës nga ana e rivalëve, ndërsa ai vetë nisi gradualisht të zgjeronte ndikimin në elektorat. Në zgjedhjet qendrore të 2009 ai ishte ndër drejtuesit kryesorë të fushatës së socialistëve në Qarkun e Durrësit, ku PS mori 5 mandate përballë 7 mandateve të PD-së. Në këtë rezultat ndikoi edhe LSI me Lefter Kokën, që në këtë qark siguroi një nga katër mandatet “e arta” që e futën më vonë në qeveri me Sali Berishën.

Me afrimin e zgjedhjeve vendore të 2011, emri i Vangjush Dakos nisi të akuzohej gjithnjë e më shumë nga Partia Demokratike për korrupsion, shpërdorim me lejet e ndërtimit dhe betonizim të qytetit, duke i vënë edhe nofkën “Gjush betoni”. Ferdinant Xhaferaj u dorëhoq nga posti i deputetit dhe i ministrit të Kulturës që mbante në atë periudhë për të sfiduar nën siglën e PD-së Vangjush Dakon për postin e kryebashkiakut të Durrësit.

Fushata ishte edhe më e ashpër se ajo në e 2007 kur Dako kishte përballë Armand Telitin, por rezultati ishte sërish surprizë. Këtë radhë jo dhe aq i ngushtë. Vangjush Dako jo vetëm që u konfirmua në krye të Bashkisë së Durrësit, por arriti që ta bëjë atë me një diferencë prej rreth 3600 votash, rezultat më komod në krahasim me fitoren e 2007.

Fitorja merrte më shumë vlerë edhe për faktin se kundërshtari i tij mbështetej fuqimisht nga qeveria e Partisë Demokratike, që këtë herë kërkonte me ngulm fitoren si në Tiranë, ashtu edhe në Durrës. Në Tiranë, Edi Rama doli vetëm 10 vota para Lulzim Bashës, por përmes një lëvizjeje të kontestuar, Komisioni Qendror i Zgjedhjeve, drejtuar nga Arben Ristani vendosi rinumërimin e votave të hedhura në kutitë e gabuara. Rezultati u përmbys dhe Lulzim Basha u shpall fitues.

Me largimin e Edi Ramës nga Bashkia e Tiranës, Durrësi, së bashku me Fierin, Elbasanin dhe Vlorën mbeteshin qytetet nga ku buronte pushteti më i madh i Partisë Socialiste në opozitë. Kjo e afroi edhe më shumë Vangjush Dakon me drejtuesit qendrorë të partisë dhe i dha atij një rol të rëndësishëm në fushatën e 2013. Këto zgjedhje u realizuan pas marrëveshjes Rama-Meta të 1 prillit dhe bënte bashkë edhe Vangjush Dakon me Lefter Kokën në fushatën përballë Partisë Demokratike. Aleanca e re fitoi me një diferencë prej rreth 10 mijë votash dhe siguroi 7 mandate nga 13 në total që ka ky qark.

Në 2015, Dako u përzgjodh sërish si kandidat i përbashkët mes socialistëve dhe LSI-së për një mandat të tretë në krye të Bashkisë së Durrësit. Teorikisht, LSI në krah i bënte fitoren e Dakos përballë kandidates Grida Duma të Partisë Demokratike më të lehtë dhe ashtu ndodhi; ai u shpall fitues me një diferencë prej rreth 13700 votash më shumë.

Por, veç fitores për Aleancën për Shqipërinë Europiane, procesi zgjedhor i 2015 solli edhe krisjen e madhe mes PS-së dhe LSI-së. LSI akuzonte drejtuesit vendorë të PS-së se nuk u angazhuan në fushatë në bashkitë ku kandidatët e përbashkët ishin propozuar nga LSI, si në Pogradec, Vorë dhe Lezhë, që të trija bashki të humbura nga ASHE.

Krisja pasoi çarjen në 2017, kur “loja” politike trepalëshe PS-PD-LSI u mbyll me marrëveshjen Rama-Basha të 17 majit, ndërsa Ilir Meta ishte President i Zgjedhur. Marrëveshja pamundësonte regjistrimin e koalicioneve në zgjedhjet e 25 qershorit. Këto zgjedhje ishin edhe testi kryesor i fuqisë elektorale të Vangjush Dakos në Qarkun e Durrësit.

Testin e kaloi me sukses dhe në këtë qark Partia Socialiste e vetme mori 8 mandate, duke lënë me katër mandate Partinë Demokratike dhe me dy Lëvizjen Socialiste për Integrim. Si numër votash, PS siguroi rreth 73 mijë të tilla, duke u rritur me rreth 13 mijë vota më shumë në krahasim me zgjedhjet e 2013.

Ky ishte kulmi i shkëlqimit elektoral të Vangjush Dakos, që në 2017 mbylli serinë e fitoreve elektorale të socialistëve në Durrës përballë Partisë Demokratike, megjithëse pak muaj më parë bashkia e drejtuar prej tij kishte dalë garante në lirimin e parakohshëm nga burgu të Lulzim Berishës, kreu famëkeq i bandës së Durrësit.

“Bashkia Durrës, duke vlerësuar gjendjen e kësaj familjeje, sjelljen e tyre në komunitet, si dhe mundësinë e lirimit të të dënuarit, garanton punësimin e të dënuarit Lulzim Berisha, në pamundësi për t’u punësuar në ndonjë subjekt privat”, shkruhej në vendimin e Gjykatës së Apelit, që lironte të dënuarin.

Dako nuk e mohoi daljen garant të bashkisë për gjetjen e punës për Lul Berishën, por u mbrojt duke thënë se ishte një procedurë rutinë e institucionit që drejtonte, sipas të cilës ish-kreu i bandës së Durrësit do të punonte vullnetarisht në komunalen e bashkisë.

“Ka një procedurë që çdo i dënuar që dënohet me dënim alternativ, që do të thotë me një punë vullnetare në komunitet, ne i ofrojmë punën në ndërmarrjet tona të shërbimeve, në ndërmarrjen komunale të pastrimit të plazhit, të pastrimit të qytetit, të dekorit apo të gjelbërimit. Punë vullnetare, ata punojnë pa shpërblim nga ana jonë, sepse e kanë dënim nga gjykata. Këto janë procedura rutinë të përditshme”, deklaronte ai në atë kohë.

Opozita e akuzonte se Lul Berisha ishte liruar qëllimisht me garancinë e Dakos para zgjedhjeve të 2017 për t’u angazhuar në mbledhjen e votave për PS, ndërkohë që lirimin e parakohshëm të tij e qortoi edhe ambasadori amerikan në Tiranë, Donald Lu.

“Kreu famëkeq i krimit të organizuar Lulzim Berisha u lirua nga burgu për arsye të panjohura. Ai vuajti më pak se gjysmën e dënimit me 25 vite burg, për 6 vrasje, trafik droge dhe krim të organizuar. Të gjithë duhet të indinjohemi nga ky lajm dhe duhet t’u themi gjykatave të korruptuara se në një demokraci kjo është e papranueshme”, deklaronte Lu, që në atë kohë kërkonte kokat e peshqëve të mëdhenj.

Akuzat për rolin në lirimin e Lul Berishës nuk u reflektuan në rezultatin elektoral që Vangjush Dako siguroi për PS-në në Qarkun e Durrësit, por gëzimi i frutave të fitores nuk do të zgjaste shumë për të. Pak muaj më vonë nisën të dalin në pah akuza të tjera kundër tij, pas arrestimit të bandës së Avdylajve në Shijak. PD akuzonte se Vangjush Dako kishte një lidhje të fortë me krerët e kësaj bande dhe akuzat u përforcuan me daljen e disa përgjimeve telefonike.

Dako mohoi çdo keqpërdorim dhe deklaronte se nuk paragjykonte qytetarët për votat dhe se ishte i pastër me “duart akullore”. Ai i mbijetoi dallgës së parë të përgjimeve të publikuara, por humbi mundësinë për të kandiduar sërish nën siglën e PS-së për një mandat të katërt në krye të Durrësit. Zgjedhjet u bojkotuan nga opozita, por nisur nga shifra e pjesëmarrjes në këtë proces mund të thuhet me siguri të madhe se më 30 qershor u ndje mungesa e Vangjush Dakos.

Ai u mënjanua nga jeta politike, por akuzat e opozitës në drejtim të tij, sidomos pas publikimit të përgjimeve të Prokurorisë nga gazeta Bild u përforcuan. Një muaj pasi la postin e njeriut më të pushtetshëm në Durrës, për Vangjush Dakon mbërrin një goditje më e fortë, këtë herë nga përtej Atlantikut. “Perceptorët” amerikanë të korrupsionit kanë radhitur emrin e Dakos dhe familjes së tij në listën e zezë, së bashku me Adriatik Llallën dhe Tom Doshin, të personave që nuk u lejohet të shkelin në SHBA me arsyetimin e “korrupsionit madhor”.

“Njolla” e amerikanëve nuk e bën fajtor, aq më pak përsa kohë drejtësia në Shqipëri, të paktën zyrtarisht nuk e ka marrë ende si person nën hetim, por, nëse do të përdornim termat e vetë Vangjush Dakos, ajo tregon ndoshta se pushteti ndonjëherë është si frigoriferi që ruan akulloret të mos shkrihen.

Gazeta Si

The post Shkëlqimi dhe rënia e Vangjush Dakos appeared first on Fast News Economy.

Përveç kësaj familja Dako zotëron disa biznese në Durrës, të cilat qarkullojnë mes familjarëve. Më postë po sjellim një shkrim të portalit TPZ.al, publikuar dy vjet më parë, i cili zbardhur skemën sesi funksionon dinastia “Dako” dhe si fshihen miliarda lekë me bizneset e betonit dhe lavanderisë.

Investigimi i plotë

Të dhënat e siguruara hedhin dritë mbi bizneset e Vangjush Dakos, të cilat kanë shumëfishuar fitimet pas aktivizimit në politikë, duke mbajtur fillimisht postin e Drejtorit të Hipotekave dhe më vonë kryetarin e Bashkisë së Durrësit. Të afërm dhe persona të dyshimtë janë të përfshirë në bizneset e dinastisë “Dako”, ku fokusi kryesor është ndërtimi dhe lavanderia.

Ishte viti 1997, ku tre vëllezërit, Vangjush, Artan dhe Edmond Dako vendosën të futeshin në botën e ndërtimit dhe të biznesit. Ata themeluan një kompani të quajtur “3-D Sh.p.k” (3 Dako), e cila kishte si objekt një sërë veprimtarish, që nga materialet e ndërtimit e deri tek import-eksport i produkteve ushqimore. Situata e rëndë ekonomike në atë kohë, nuk e favorizoi kompaninë e vëllezërve Dako.

I gjendur në këtë situatë, në vitin 2001, Vangjush Dako vendos të largohet nga kompania për të nisur karrierën në administratën shtetërore. Ai ia la të gjitha aksionet e kompanisë, vëllait të tij, Artan Dakos. Ky i fundit humb jetën në një aksident rrugor, dhe si rrjedhojë frenat e kompanisë i merr përfundimisht vëllai tjetër, Edmond Dako.

Në vitet, 2001-2002, Vangjush Dako bëhet Drejtor i Policisë Ndërtimore në qarkun e Durrësit, një post ky që do t’i shërbente edhe ish kompanisë së tij të ndërtimit, që tashmë është në emër të Edmond Dakos.

Në vitet, 2004-2005, Dako merr një tjetër pozicion të rëndësishëm, atë të Drejtorit të Hipotekës, për Qarkun e Durrësit. Për çudi, gjatë kësaj periudhe, kompania e vëllait të Dakos, “3-D Sh.p.k”, zmadhon me 265 herë kapitalin e saj fillestar, nga 100,000 lekë që ishte prej 1997, arrin vleren 26,500,000 lekë (të reja).

Dukej se kompania e vëllait të Dakos ishte futur në linjë, duke bërë ndërtime të mëdha, kryesisht në sektorin privat. Një vit më pas, në 2006, kompania “3-D Sh.p.k” rrit sërish kapitalin e saj duke e çuar në 36,000,000 lekë. Tpz.al, disponon bilancet e kësaj kompanie, vetëm nga viti 2006 e më mbrapa, të depozituara pranë Qendrës Kombëtar të Biznesit. Sipas bilanceve, në vitin 2006, kompania e vëllait të Dakos, regjistron një xhiro vjetore 603.162.242 lekë (të reja). Por fryrja me fatura të prapambetura apo me detyrime artificiale, e ka reduktuar fitimin në një shifër qesharake, prej 419.527 lekë (të reja).

Të njëjtën skemë, vijon edhe në vitin 2007, ku kompania “3-D Sh.p.k”, bën një xhiro prej 403.694.211 lekë (të reja) ndërsa fitimi ishte tepër modest, 652.025 lekë (të reja). Pra, një kompani në fushën e ndërtimit, qarkullon mbi 1 miliard lekë brenda 2 viteve, dhe nuk fiton më shumë se 10 milionë lekë (të vjetra).

Pas pas vitit 2007, e cila përkon me zgjedhjen e Vangjush Dakos si Kryetar të Bashkisë së Durrësit, kompania e të vëllait merr përmasat e një biznesi tepër të madh. Me vetëm 20 punëtorë, kompania e Edmond Dakos, rrit edhe kapitalin fillestar, duke e çuar 45.000.000 lekë (të reja). Megjithatë, skema e fshehjes së milionave lekë fitim nga kompania, vijon edhe në vitet pasardhëse. Në vitin 2009, edhe pse kompania “3-D Sh.p.k” deklaron fitime qesharake, ajo arrin të blejë plot 31 automjete të llojeve të ndryshme. Në të njëjtin vit, kompania e vëllait të kryebashkiakut të Durrësit, shton kapitalin duke e çuar 60.000.000 lekë (të reja). Por duket se ky veprim për të shtuar automjetet për llogari të kompanisë, ka ngjallur dyshimet për fshehje të të ardhurave disa qindra milionëshe. Për të korrigjuar këtë “gabim”, 1 vit më pas, në 2010, “3-D Sh.p.k” i ç’regjistron të 31 automjetet nga kompania.

Në vitin 2011, kompania në pronësi të vëllait të Dakos, vijon të zmadhojë kapitalin, në 140.000.000 lekë (të reja), rreth 1.2 milion dollarë. Të ardhurat për këtë vit, janë 651.588.169 milionë lekë (të reja) rreth 5.5 milionë dollarë, por nëpërmjet shpenzimeve apo detyrimeve fiktive, kompania arrin të lërë mënjanë vetëm 12.605.637 lekë (të reja) fitime, ose afro 100 mijë dollarë.

Ndërkohë një vit më vonë, në 2012, “3-D Sh.p.k” qarkullon rreth 319.207.789 lekë (të reja), ose afro 3 milionë dollarë. Por pavarësisht, kësaj, në bilancet e publikuara rezulton se kompania ka fituar vetëm 8.080.326 lekë (të reja) ose 70 mijë dollarë.

E njëjta skemë fiktive përdoret edhe në vitin pasardhës, në 2013. Kompania “3-D Sh.p.k”, qarkullon 374.495.259 lekë (të reja), pra rreth 3.3 milion dollarë, ndërsa fitimi është sërish modest, 3.352.848 lekë (të reja) ose 30 mijë dollarë.

Kompania e vëllait të Vangjush Dakos, vijon të ketë rritje në qarkullimin e miliarda lekëve në vit, por fitimi mbetet sërish i njëjtë, duke ngritur dyshime të forta se bëhet fjalë për fshehje të qëllimshme të fitimeve dhe shmangie të taksave.

Viti 2014

Xhiro vjetore: 230.829.758 lekë ( të reja), rreth 2 milionë dollarë

Fitimi vjetor: 1.813.826 lekë (të reja), rreth 15 mijë dollarë

Viti 2015

Xhiro vjetore: 236.500.270 lekë (të reja), rreth 2 milionë dollarë

Fitimi vjetor: Kompania del me humbje, – 1.127.679 lekë (të reja), rreth 10 mijë dollarë

Viti 2016

Xhiro vjetore: 190.600.036 lekë (të reja), rreth 1.6 milionë dollarë

Fitimi vjetor: 796.603 lekë (të reja), rreth 6 mijë dollarë

E gjithë kjo skemë fshehje ndër vite, tashmë mund t’i japë një shpjegim aseteve të kryebashkiakut Vangjush Dako. Pasuritë e këtij të fundit janë marramendëse, duke nisur nga një pallat 11 katësh me vlerë 720 milion lekë (të vjetra), disa parcela toke në zona të ndryshme, një magazinë prej 300 m2 si dhe një apartament tjetër rreth 130 m2.

Ndërkohë vëllai i tij, Edmond Dako, edhe pse me fitime të “vogla” të deklaruara përgjatë këtyre viteve, ai ka shtuar disa aktivitete të rëndësishme. Një nga këto është edhe biznesi në fushën e hidrokarbureve (karburanteve), e themeluar në vitin 2014.

Buxheti i Bashkisë, në duart e motrës

Kompania e vëllait të Vangjush Dakos, “3-D Sh.p.k”, ka përfituar miliona lekë nga punët publike, por gjithmonë si palë e kontraktuar nga të tjerët. Kjo skemë e mirëmenduar, ka shmangur debatet dhe konfliktin e interesit, se kryebashkiaku favorizon familjarët për tenderat publikë.

Sëfundmi, “3-D Sh.p.k” po kryen punimet e një projekti të quajtur Veliera, një pllakë betoni që po ndërtohet mbi rrënojat arkeologjike të Dyrrahut 2600 vjeçar. Por gjatë këtij skandali, doli në pah një fenomen tronditës. Valbona Qirjako, e cila është motra e kryebashkiakut Vangjush Dako rezulton të jetë është shefe e Sektorit të Buxhetit në Departamentin Ekonomik në Bashkinë e Durrësit. Pra, fondi për betonizimin tek “Veliera” akordohet me firmën e Valbona Qirjakos.

Rrethi i ngushtë që ka krijuar Vangjush Dako, në bizneset dhe bashkinë e tij, deri më sot, e kanë bërë atë që të mos ekspozohet së tepërmi ndaj skandaleve të këtyre përmasave.

“El nino”, bosi i vogël Dako

Në moshën 22-vjeçare, çdo i ri sapo mbaron studimet dhe vrapon për të gjetur një punë të parë. Por, ndryshe ndodh me djalin e Vangjush Dakos. I riu, Xhulio Dako, i datëlindjes 1995, rezulton aksioner i dy kompanive, njëra në fushën e lavanderisë dhe tjetra në tregtimin e produkteve ushqimore me bazë detin.

Në kompaninë e parë, të quajtur “DB Wash International”, Xhulio Dako është shtuar si aksioner, tek themeluesi 54-vjeçar Tomi Ismailati, ndërsa ortakë janë edhe 5 shtetas italianë. Nuk dihet lidhja e djalit të njomë të Dakos me këta shtetas të mëdhenj në moshë, por sipas bilanceve të siguruara rezultojnë se kenë qarkulluar qindra miliona lekë në harkun e 3 viteve të fundit.

Në deklaratën e pasurisë, të dorëzuar nga ILDKPKI, Xhulio Dako është zotërues i 20% të aksioneve të shoqërisë “DB Wash International”, me kapital 20 000 lekë. Edhe aksionerët e tjerë kanë deklaruar vlera qesharake në kapital, por bilanci i të ardhurave dhe shpenzimeve flasin për tjetër gjë.

Tpz.al publikon fitimet të kompanisë “DB Wash International”, të nxjerra nga bilancet që vetë kjo kompani ka deklaruar.

Fitimet e kompanisë e “DB Wash International” e krijuar 25/03/2014:

Viti 2014: 22.876.057 Lekë (të reja)

Viti 2015: 56.850.124 Lekë (të reja)

Viti 2016: 72.101.360 Lekë (të reja)

Pra, një kompani e sapo krijuar në vitin 2014, ka arritur të nxjerrë fitime deri në 1.4 miliard lekë, ku pjesë është edhe djali 22-vjeçar, i Vangjush Dakos. “DB Wash International” është gjithashtu edhe përfituese e fondeve publike, ku në thesarin e shtetit rezultojnë 3 transaksione financiare ndaj kësaj kompanie, me vlerë 484.000 lekë (të reja).

Pas suksesit me kompaninë e parë, 22-vjeçari Xhulio Dako lidhet ngushtë me 54-vjeçarin Tomi Ismailati. Të dy këta, bashkë me dy italianë të tjerë. hapin një biznes në vitin 2016, “Artic Group”, kësaj here në fushën e tregtimit të produkteve ushqimore, molusqeve dhe frutave të detit. Djali i Vangjush Dakos, bëhet 35 % aksioner, ndërsa brenda vitit të parë, arrijnë të qarkullojnë 34.233.202 lekë (të reja), rreth 300 mijë dollarë nga shitjet dhe shpenzimet.

Mesa duket fati i ka buzëqeshur 22-vjeçarit, Xhulio Dako, jo për aftësitë e tij, por sepse ai është djali i kryebashkiakut të qytetit të dytë më të madh në Shqipëri, Durrësit. Xhulio njihet mirë në qytetin bregdetar, jo për bizneset e tij, por për jetën luksoze që ai bën, me makina të shtrenjta dhe shumat marramendëse që shpenzon në jetën e natës.

Kjo është dinastia “Dako”, e cila nuk njeh limit në pasurimin e fshehur me bizneset e betonit, lavanderisë dhe tregtisë ushqimore./ TPZ.AL

The post SHBA i hoqi vizën, zbulohet si qarkullojnë milionat e familjes së Vangjush Dakos appeared first on Fast News Economy.

Edhe në rrjetet sociale ka pasur një reaksion shumë të fortë, ku sigurisht më pikantet kanë qenë memet, që edhe këtë herë kanë qenë shumë thumbuese, me protagonist, Vangjush Dakon dhe kryeministrin Rama.

The post DASH i hoqi vizën Dakos, rrjetet sociale shpërthejnë nga memet (FOTO) appeared first on Fast News Economy.

Për reporteren Elona Gjylmi, DASH thekson se ka informacion të besueshëm se zoti Dako ka qenë i përfshirë në korrupsion gjatë mandatit të tij si kryetar i Bashkisë së Durrësit.

“Kur Sekretari i Shtetit ka informacione të besueshme se një zyrtar i huaj është përfshirë në raste madhore korrupsioni, ose shkelje të të drejtave të njeriut, atij dhe familjes së tij të ngushtë i ndalohet hyrja në Amerikë. Ligji po ashtu i jep të drejtë Sekretarit të Shtetit që vendimin ta bëjë publik, ose t’ia bëjë atë privatisht zyrtarit në fjalë.”

I pari që u përfshi në listën publike të ndalimit ishte zoti Llalla, e më pas Tom Doshi në vitin 2018.

The post Pse iu hoq viza Vangjush Dakos? DASH jep motivacionin appeared first on Fast News Economy.

Në një prononcim për televizionin News 24 ai tha: “nuk kam asnjë koment. Nuk di asgjë për vendimin.”.

Vendimi për  ndalimin e hyrjes në SHBA të Dakos dhe familjes së tij është marrë nga sekretari I Shtetit Mike Pompeo me arsyen se Dako është përfshirë në raste madhore korrupsioni.

Kështu, pas Tom Doshit dhe Adriatik Llallës, Dako bëhët zyrtari i trete të cilit I ndalohet hyrja në SHBA.

The post Iu ndalua hyrja në SHBA bashkë me familjen, reagon Vangjush Dako appeared first on Fast News Economy.

Sipas kreut të PD me këtë drejtësi nuk do ketë kurrë politikanë në pranga, nuk do ketë kurrë kriminelë në burg.

Më poshtë postimi i plotë i Lulzim Bashës:

Edi Rama përmes Vangjush Dakos dhe krimit të organizuar kontrollon pushtetin lokal, drejtësinë dhe çdo institucion tjetër të Durrësit. Bashkëpunëtori i bandës kriminale të Avdylajve, liruesi nga burgu i Lul Berishës dhe pastruesi i parave të krimit në Durrës, duhet të ishte në burg, por ai është padroni i atyre që që duhet ta dërgonin në burg.

Drejtësia në të gjithë Shqipërinë është sot në duart e krimit dhe të organizatës kriminale të rilindjes. Sot mes rilindasve dhe krimit nuk ka më asnjë ndryshim. Jemi kthyer në kohët e errëta, kur drejtësia ishte partia kriminale.

The post Basha publikon foton, çfarë e lidh Dakon dhe Rroshin me prokuroret Arta Marku e Donika Prela appeared first on Fast News Economy.