“Në gjykimin tim është absolutisht e papranueshme, jashtë çdo standarti, që dikush të paguhet në një strukturë tjetër, qoftë politike ose jo dhe të ruajë më pas edhe staturën e gazetarit. Kush merret me gazetari le të qëndrojë brenda gazetarisë. Unë e di që ka gazetarë që bëjnë dy-tre punë, por bëjnë dy-tre punë brenda profilit të tyre. Një punë që bie ndesh me impenjimin që ka, sigurisht që është e papranueshme” u shpreh Fevziu.

Por, pas reagimit të Blendi Fevziut kanë filluar kundërpërgjigjet e gazetares Mira Kazhani. Kjo e fundit, në një reagim ndaj Fevziut shkruan në rrjetet sociale se Fevziu ka qenë gjithmonë në shërbim të oligarkëve dhe politikanëve. Ndër të tjera, Kazhani përmend faktin se Fevziu posedon dhe një vilë e cila kap shifrën rreth 5 milionë euro.

“Këto ditë pandemie me dy gjëra janë argëtuar shqiptarët: Rroga ime si punë e dytë shteti dhe vila 5 milionë euro e Fevziut ku ai poston në Instagram luksin e tij. Me rrogën time mund të shtysh muajin, por me miliardat e Fevziut gjithë jetën e tij në shërbim të pushtetit, politikanë e oligarkë, shqiptarët mund të shikojnë atë çfarë është vërtet korrupsioni në shtypin shqiptar.

Dhe të vjen neveri kur për rrogën time bëhet gjyq nga Fevziu, kurse për miliardat e Fevziut nga pushtetet bëhen emisione suksesi. Sa për mua, unë kam bërë vërtet një gabim, etik, për të cilin po mendohem mirë Blendi Fevziu“, deklaroi Kazhani.

Ditët e fundit, në rrjetet sociale gazetaret Bieta Sulo dhe Mira Kazhani kanë tërhequr vëmendje të publikut pasi u zbuluan se ishin të punësuara pranë UKT, përpos profesionit si gazetare.

Pasi lajmi bëri xhiron në rrjet, Mira Kazhani dha dorëheqjen nga ky post, ndërsa gazetarja Bieta Sulo vazhdon të jetë në heshtje pa asnjë reagim.

The post “Punësimi në UKT e papranueshme”/ Kazhani-Fevziut: I ke shërbyer oligjarkëve gjithmonë… appeared first on Fast News Economy.

CNA.al solli dje disa të dhëna, ku nëpërmjet një dokumenti ekskluziv treguam, se gazetarja Bieta Sulo është punësuar në nëntor të vitit 2017, tek Fondi i Sigurimit të Detyrueshëm të Kujdesit Shëndetësor dhe ka punuar në këtë institucion deri në mars të vitit 2018, ku paga e saj ka qënë rreth 1 milion lekë.

Por, menjëherë pasi ne publikuam ato të dhëna duket se Bieta dhe bashkëshorti i saj u shqetësuan. Thanë se lajmi i publikuar nga ne ishte jo korrekt dhe fakti se në fund kishte dalë punësimi që ishte në Fondin e Kujdesit Shëndetësor, duke kërkuar të ndërhynte nëpërmjet personazheve të ndryshme dhe ish-drejtues mediash që ne të hiqnim lajmin apo ta ndyshonim atë.

Në fakt ne nuk e bëmë, por po vazhdojmë ta thellojmë. Po tregojmë atë të vërtetë që Bieta në fakt do të duhej të dilte dhe t’ia thoshte publikut. Dhe jo t’ia mbulonte Erion Veliaj.

Ndoshta tani do të duhet të dalë dhe t’ia mbulojë Shpëtim Idrizi, PDIU-ja, apo vetë Albani. Mund të nxjerrë edhe pronaren e Top Channel apo Ben Blushin, nuk ka asnjë problem.

Ne investiguam më tej, për të kuptuar se pse ishte shqetësuar Bieta nga shkrimi ynë dhe çfarë kishte ndodhur. Pse Alban Dudushi po kërcente përpjetë.

Çfarë rezultoi?

Rezultoi se gazetarja Bieta Sulo nuk ka punuar vetëm gjashtë muaj në Fondin e Kujdesit Shëndetësor. Sipas të dhënave të siguruara sërish nga CNA.al dhe të tjera detajeve që do të vijnë në vijim.

Nga viti 2015 deri në vitin 2016, Bieta Sulo figuron e punësuar në Top Channel. Kuptohet në Top Show, si gazetare apo kryeredaktore.

Por, çfarë ndodh?

Në vjeshtën e vitit 2016, pra në nëntor të këtij viti, gjatë kohës që mëson se është shtatzënë, Bieta Sulo ndërpret marrëdhëniet me Top Channel, dhe fillon punë tek Fondi i Kujdesit të Detyrueshëm Shëndetësor, me një pagë maksimale si këshilltare për mediat.

Por, çfarë ndodh më pas?

Sërish ajo vazhdon dhe del në Top Channel. Aty ndoshta paguhet si bashkëpunëtore e jashtme apo me mënyrat e vjetra të dhënies së zarfave në dorë, me honorare e të tjera si këto. Ka shumë mundësi për t’i zgjidhur pagesat.

Ne kemi nxjerrë nga arkivi i Top Channel edhe daljet e Bietës gjatë kohës që ka punuar tek Fondi i Kujdesit Shëndetësor, ku rezulton e punësuar edhe në Top Channel. Këtë e kemi bërë për një kohë të vazhdueshme.

Mund t’iu sjellim edhe materiale të plota të mbledhjes me stafin, të Bietës, edhe pas lindjes së djalit të saj dhe rikthimit në punë sërish në Fondin e Kujdesit Shëndetësor.

Pra, Bieta nuk ka punuar për vetëm pak muaj në Fondin e Kujdesit Shëndetësor, por punësimi saj ka nisur që nga nëntori i vitit 2016, dhe ka përfunduar në momentin kur ajo ka kaluar tek UKT, e cila përkon afërisht me datën kur është  ndryshuar drejtuesja e Fondit të Kujdesit Shëndetësor.

Pra, Bieta ka filluar punë në vitin 2016 në këtë institucion dhe më pas atje ka marrë dhe lejen e lindjes, është rikthyer në punë pas vetëm gjashtë muajsh, më pas ka kaluar tek UKT dhe më pas është rikthyer sërish në Top Channel.

Por, gjatë kohës që ka punuar në këto institucione shtetërore dhe është paguar nga taksat e shqiptarëve, Bieta ka qënë shpesh imazh dhe e punësuar edhe në Top Channel. Ku si imazh i këtij televizioni u kthye në momentin kur filloi emisionin “Ftesë në Pesë”, i cili përkon afërsisht dhe me datat që ajo është rikthyer zyrtarisht në punë në këtë institucion, megjithëse për një kohë të gjatë ka pasur një dypunësim, por jo të deklaruar.

Pasi, si imazh shfaqet në Top Channel, shfaqet në emision. Por, nuk figuron që të ketë paguar kontributet e sigurimeve shoqërore, të cilat i ka në emër të Fondit të Kujdesit Shëndetësor.

Kjo është e vërteta e Bietës, e cila ende nuk mbyllet këtu.

Nuk mjafton puna e parë, puna e dytë dhe puna e tretë. Janë për t’u përshëndetur njerëzit që bëjnë dy apo tre punë, qoftë edhe në privat. Por, kurësesi stili braktis punën tek private e shko e merre rrogën tek shteti, se ato te privati janë në dorë apo mund t’i marrësh si honorare dhe punën tënde primare nuk e deklaron, por ajo duket si një punë e dytë që e bën për të kaluar kohën, është në fakt një fshehje e së vërtetës. Sepse të gjithë e dimë që Bieta ka punuar në Top Channel, dëshmitarët janë me qindra. Ajo ka qënë atje gjithë kohës. Tek Fondi ka qënë thjeshtë dhe vetëm “shëtitëse”, për të marrë një pagë një milionëshe, për të shtuar të ardhurat e saj.

Në fakt në media janë raportuar me dhjetëra raste kur gazetarë paguhen në shtet dhe paratë e punës tek private i marrin në të zezë apo mund t’i marrin në mënyra të tjera.

E ndoshta këtu përfshihet edhe Bieta Sulo, të cilës ndoshta nuk i ka mjaftuar rroga e Top Channel, por i duhej edhe një rrogë një milionëshe që të shtonte më shumë të ardhurat e saj, për të pasur më shumë para, për të cilat kanë nevojë të gjithë.

Por, këto të dytat që shtoheshin në buxhetin e Bietës vinin nga taksat e shqiptarëve. Nga një institucion jo pak problematic, ku rimbursoheshin ilaçet dhe flitej për kujdes shëndetësor, ndërkohë dikush kujdeset për xhepat dhe institucioni nga ana tjetër kujdeset për shëndetin e shqiptarëve./ CNA.al/

The post Punësimet/ Pse nuk thotë të vërtetën Bieta Sulo? appeared first on Fast News Economy.

Përmes një statusi në rrjetin social Facebook, kryebashkiaku ka postuar një foto teksa është i kryqëzuar me rrjetet sociale. Me këtë foto, Veliaj nënkupton se është “bombarduar” me komentet të cilat janë bërë në media.

Duke sqaruar situatën, Veliaj shprehet se çdo gjë është një keqkuptim dhe se kërkon ndjesë për gjithë këtë keqkuptim.

Referuar asaj çka Veliaj ka shkruar, Bieta Sulo ka punuar vetëm 5 muaj dhe më pas është shkëputur, ndërsa gazetarja tjetër Mira Kazhani është punësuar për një mandat si këshilltare mediash pranë UKT-së.

Më tej Veliaj sqaron se gjithçka është bërë sipas rregullave, ndërsa shton se herë tjetër nuk do të përsëritet sqarimi nëse do të ketë një rast të ngjajshëm si i dy gazetareve.

Postimi i plotë:

Tre ditët e fundit kam vërejtur me keqardhje shumë sharje dhe akuza në adresën tonë, për shkak të dy zonjave që punojnë në fushën e komunikimit publik, Bieta Sulos dhe Mira Kazhanit, të cilat për një kohë janë kontraktuar si eksperte të jashtme për strategjinë e komunikimit, nga kompania e UK Tiranë.

Bieta Sulo ka kontribuar në UKT nga data 6 prill 2018 deri në datën 20 shtator 2018; pra, gjithsej 5 muaj, gjatë një periudhe kur ende nuk kishte nisur projektin e saj të ri me emisionin e pasdites e të kish suksesin për të cilin anatemohet sot. Pas përfundimit të marrëveshjes kontraktuale për komunikimin publik të kompanisë, ajo nuk ka më asnjë marrëdhënie me UKT-në.

Ndërsa, Mira Kazhani ka shërbyer si këshilltare mediash pranë UKT-së për një mandat, një praktikë që është ndjekur prej vitesh nga ndërmarrjet sh.a në Shqipëri – e ku disa prej atyre që sot u hidhen në fyt nga ekranet dhe portalet e tyre, i kanë pasur vetë këto pozicione. Për këta të fundit nuk do humbisja asnjë sekondë, por ia detyroj këtë shpjegim atyre që janë helmuar nga kjo histori mediatike, që ka marrë dhenë edhe në rrjetet sociale. U kërkoj ndjesë për shqetësimin, edhe pse në asnjë sekondë nuk kam dhe nuk kemi menduar asgjë tjetër, përveçse si të bëjmë sa më mirë punën!

Kjo vlen si një mësim për UKT e për vetë Bashkinë, që të mos gjendet herë tjetër as nën presionin e kujtdo mëkatari që hedh gurë në emër të shenjtërisë, po as në pozitën e sikletshme të nevojës për të dhënë shpjegime pas “aksidentit”. Mungesa e sqarimeve të dhëna në kohën e duhur për angazhimin e dy njerëzve të jashtëm në funksion të nevojave të caktuara, nuk duhet dhe nuk do të përsëritet më.

Nga ana tjetër, edhe procesi i marrjes në punë të ekspertëve të jashtëm, siç bëjnë të tëra kompanitë e institucionet e botës për nevoja të caktuara, do të vazhdojë, por duhet e do të jetë edhe më transparent për publikun. Ndjesë edhe njëherë, të gjithë atyre që janë ndikuar negativisht nga kjo histori, por jo ndikuesve të paskrupullt, të cilët thjesht kanë hyrë në një borxh më shumë me publikun e me të vërtetën!

Ju uroj një fundjavë të qetë plot mirësi.

The post Gazetaret e punësuara në UKT/ Sqaron dhe kërkon falje, Veliaj: Keqardhje për sharjet dhe akuzat… appeared first on Fast News Economy.

Në linjën e ironisë, Bieta u thotë komentuesve se ata janë rehat, duke pushuar në divan.

“Përpara se të hyj në studio, e të nisim komunikimin së bashku, ti je pushim, rehat, te divani, dhe unë të përshëndes…”, thotë Bieta.

https://www.instagram.com/p/B_phwpcHc1X/?utm_source=ig_embed&utm_campaign=loading

The post Specialiste te UKT/ Reagon Bieta Sulo: Ti je rehat, pushim te divani (Video) appeared first on Fast News Economy.

Duke iu referuar boredrosë, që tashmë ka bërë xhiro në rrjet, Ermira Kazhani (drejtuese e një portali) është këshillare ekonomike e drejtorit të UKT-së dhe për ketë pozicion pune ajo paguhet me 83 000 lekë.

Ndërkohë moderatorja e një emisioni, Bieta Sulo pranë UKT-së është emërur  si specialiste dhe për këtë shërbim ajo paguhet me 55 000 lekë, para me të cilat paguhet nga taksat e qytetarëve. Ndërsa, duhet theksuar fakti që këto taksa janë rritur dhe rëndojnë në xhepin e qytetarëve. Ndonëse jemi në situatë pandemie, ku gjendja ekonomike është në kolaps, qytetarët janë të detyruar që këto taksa t’i paguajnë.

Mania e gazetareve me rroga “qyl” në shtet

Bieta Sulo dhe Mira Kazhani nuk janë të vetmet që përfitojnë rroga “qyl”. Përpos skandalit, ajo që mbetet të jetë shqetësuese është heshtja e shoqërisë civile. A kemi një shoqëri civile që duhet të ngrej zërin? Ku është shoqëria civile? Pse hesht? Duhet theksuar fakti se jemi përballë një skandali që nuk duhet të zgjas vetëm tre ditë dhe më pas të zhduket. Jemi përballë një hipokrizie dhe dyshimi se ku është paanshmëria dhe besueshmëria e këtyre gazetarëve dhe se pozicioni i tyre duket qartë që është politik.

Reagimi “arrogant” i Bieta Sulos

Ndonëse pozicioni i saj si specialist pranë UKT-së bëri xhiro në rrjet, kjo gjë nuk e ka penguar Bieta Sulon që ta kalojë lehtë dhe pa u shqetësuar aspak. Në rrjetet sociale, Facebook dhe Instagra, moderatorja ka publikuar një foto në të cilën duket në ‘top form’ dhe se nuk është shqetësuar aspak që pozicioni i saj si specialiste pranë UKT. Ndërkohë, në rrjetet sociale memet janë shpërndarë gjithandej ku mes ironisë e sarkazmësështë komentuar ky skandal ndaj gazetareve.

Në fotot e mëposhtëme paraqiten disa meme të cilat janë shpërndarë në rrjetet sociale

The post Mania e gazetareve për t’u paguar “qyl” në shtet, pse hesht shoqëria civile? appeared first on Fast News Economy.