Mihal Kokëdhima deklaroi dje para trupit gjykues se nuk kishte bërë asgjë, dhe se i kishte ndjekur turistët pasi ata ishin larguar pa paguar dhe donte të merrte paratë.

Por në një reagim për BIRN, kryebashkiaku i Himarës Jorgo Goro ka dhënë një version tjetër për shkakun e sherrit që pushtoi rrjetin dhe u përhap në masë.

Goro tha se konflikti ka nisur pasi turistët kanë hyrë në lokalin e Kokëdhimës. Sipas Goros ata fillimisht kanë porositur peshk për 7 persona, më pas kanë gjykuar se ishte shumë ushqim duke thënë se do të ishte e mjaftueshme një sasi për 5 persona. Ka qenë ky momenti kur Kokëdhima i është afruar tavolinës së turistëve me kërcënime dhe kanosje. Videot e tjera të konfliktit janë administruar nga autoritetet.

Ndërkohë Gjykata e Vlorës vendosi masën e sigurisë “Arrest me Burg”, për biznesmenin Mihal Kokëdhima, i cili u var në kofanon e furgonit të turistëve spanjollë, për tre kilometra, duke thyer xhamin e duke vënë në rrezik jetën e tij dhe të të gjithë pasagjerëve.

The post Versioni tjetër i kryebashkiakut të Himarës: Ja pse nisi sherri i Kokëdhimës me turistët spanjollë appeared first on Fast News Economy.

Është ish-kryebashkiaku i Vlorës Shpëtim Gjika, i cili ka dalë kundra rrymës dhe me anë të një statusi në Facebook, shkruan se Mihal Kokëdhima ishte i detyuruar që të shfaqej i shpërfytyruar mbi makinën që drejtohej nga dy shoferë gangsterë.

Gjika shton se ndjen neveri për ata dy shoferë që i quan gango dhe cinikë ndërsa ka dhe një thirrje për turistin spanjoll, ku shkruan se kurrë mos ardhtë se do durojmë dhe pa eurot e tij.

STATUSI I PLOTE I ISH-KRYEBASHKIAKUT SHPETIM GJIKA

Kundër rrymës për Mihalin!

Jemi mësuar për fat të keq ti linçojmë publikisht njerëzit, mjafton të hedhë gurin i pari, dhe o burra kush të godasë më fort, mundësisht nga ato goditjet e ulëta nën brez, pa pyetur apo u informuar se për çfarë arsyeje Mihali u shpërfytyrua,ose e detyruan të shfaqej i shpërfytyruar, ashtu i pataksur mbi makinën që drejtonin dy gangsterë çuditërisht aq gjakftohtë, për të cilët nuk e di pse jam shumë i bindur që janë ideatorët dhe aktorët e asaj që ndodhi!

Mihali që kërkon hakun e tij, edhe pse forma si e kërkon nuk është normale, e bëmë kriminel, monstër, hijenë, kanibal e nuk di c’tjetër damkë i vunë, ndërkohë që pronarë, të cilët me kobure në brez e trasta me hashash të presin e sajdisin me “kulturë” dhe ne i promovojmë, edhe pse buka e tyre është harram!

E denoj si fenomen rastin e djeshëm, por njerëzisht nuk e pushkatoj dot Mihalin!

Ata dy gangot cinikë dhe gjakftohtë në furgon i neveris!

Ai spanjoll turisti, kurrë mos ardhtë se do durojmë edhe për eurot e tij!

Kaq!

The post Habit ish-kryebashkiaku, mbron pronarin që sulmoi turistët: Dy shoferët gango i neveris, spanjolli kurrë mos ardhtë… appeared first on Fast News Economy.

Manjani nëpërmjet një statusi në Facebook, shkruan me ironi se është qetësuar në momentin që ka marrë vesh se ata që kanë dhunuar turistët kanë qenë kushërinjte e Koco Kokëdhimës, dhe jo Rilindasit, pasi këta të fundit të thyejnë kockat në rast se të prekin më dorë.

Më pas Manjani ka publikuar dhe një foto humoristike, ku mbi të cilën është bërë një montazh sikur ajo është fatura që ka ardhur pas sherrit të krijuar në lokal.

STATUSI I PLOTE I YLLI MANJANIT

Uuuuu shyqyr që paskan qenë kushërinjtë e Koços ata që zhdëpën në dru Spanjollët!

U qetësova!

Rilindasit kur i zënë në dorë të huajt u thyejnë kockat. Kushot e Koços vetëm sa i rrahin.

Dhe mos na e shani më qeverinë, se ska asnjë faj….!

Fajin e ka vetëm…. KOÇO!

????

Ah, ja dhe fatura:

The post Dhuna ndaj turistëve spanjollë, Manjani publikon ‘faturën’ që solli sherrin : Kushot e Koços vetëm i rrahin, Rilindja i thyen kockat (FOTO) appeared first on Fast News Economy.

Këtë lajm e ka bërë të ditur vetë ministri Klosi, me anë të një publikimi në rrjetet sociale.

Klosi shkruan se konflikti që përjetuan dje turistët, nuk është në traditën shqiptare të mikpritjes dhe as në kulturën tonë të trajtimit të miqve, dhe se një njeri i vetëm nuk përfaqëson Shqipërinë.

“Në mëngjes me familjen e pushuesve nga Spanja, që dje përjetuan një eksperiencë konflikti në Himarë, që nuk është as në traditën shqiptare të mikpritjes dhe as në kulturën tonë për trajtimin e miqve. Por siç e tha edhe përfaqësuesi i familjes Galdon, një njeri i vetëm nuk përfaqëson Shqipërinë, sikundër vlerësoi reagimin e menjëhershëm të autoriteteve dhe interesimin e drejtëpërdrejtë të qeverisë”, shkruan Klosi.

Madje në fotot e publikuara, duket se ministri i ka dhuruar dhe një tufë me lule zonjës së familjes.

Kujtojmë se ditën e djeshme 51-vjeçari Mihal Kokëdhima, pronar i restorantit “Panorama” në Porto Palermo të Himarës, u konfliktua me turistët spanjollë, pasi ata nuk pëlqyen ushqimin e servirur në restorant dhe i dhunoi në momentin që u larguan nga restoranti.

Sot policia njoftoi se Kokëdhima është arrestuar dhe rasti i është referuar Prokurorisë për hetime të mëtejshme.

The post U dhunuan nga pronari i restorantit, ministri Klosi takon turistët spanjollë: Një njeri i vetëm nuk përfaqëson Shqipërinë (FOTOT) appeared first on Fast News Economy.