“Situata në infektiv është e qetë aktualisht, kemi rreth 30 të sëmurë nga të cilët shtatë janë në terapi intensive por në gjendje të stabilizuar megjithëse do thoja në gjendje relativisht kritike. Kujdesi i mjekëve është maksimal.

Ajo që është e rëndësishme ta theksoj është se nëse para disa javësh kishin 7-8 persona që shtroheshin në ditë në spital, tani kemi 2-3 që do të thotë se pandemia në vendin tonë është e butë”-përfundoi fjalën e tij Pipero. 

The post Si paraqitet situata në Spitalin Infektiv? Pipero jep lajmin që të gjithë mezi po e presim appeared first on Fast News Economy.

I pyetur nëse e kemi kaluar pikun e pandemisë Pipero tha se beson që ka filluar rënia, edhe pse do jetë graduale dhe e gjatë.

Më tej ai shton që shumë shpejt do kemi një vaksinë kundër koronavirusit.

Deklarata e plotë:

“Ka shumë mundësi koha kur merren masat, sa më shpejt aq më mirë. Këtu tek ne e tregoi që masat u morën më shpejt se në vendet e tjera, rezultatet e tregojnë. Duhet të kemi parasysh, jemi para një virusi ende nuk kemi një medikament, kemi shumë përpjekje, besoj që shumë shpejt do kemi një vaksinë, por nuk besoj se shumë shpejt do kemi një medikament.

Do ishte perfekte të kishim një vaksinë dhe medikament. E dhëna e rëndësishme është që ky virus prek më rëndë të moshuarit dhe të sëmurët kronikë. Sido të ishin kapacitetet, karantina duhet. Virusi e përmbyt brenda një dite sistemin shëndetësor, prandaj karantina duhet.

Unë besoj që e kemi kaluar pikun e pandemisë. Unë besoj që ka filluar rënia, ajo do jetë graduale, do jetë e gjatë, është herët për të festuar, por duhet të jemi optimist dhe të kujdesshëm”.

Ndërsa përsa i përket mundësisë së rikthimit të koronavirusit tek të sëmurët mjeku infkesionist theksoi se informacionet mbi rikthimin e koronavirusit kanë qenë kontradiktore.

”Faktet që na vijnë nga Koreja e Jugut janë domethënëse, por janë kthyer në idenë se brenda periudhës 3-6 mujore imuniteti ende nuk është formuar mirë. Nuk kemi ende një studim për këtë gjë.”- përfundoi Pipero.

The post “Shumë shpejt do kemi një vaksinë”/ Mjeku infeksionist zbulon çfarë do ndodhë në ditët e ardhshme appeared first on Fast News Economy.

Në 24 orët e fundit ka patur vetëm 7 raste të reja, kur një javë më parë pandemia arriti pikun me 29 raste të tilla. Autoritetet konfirmojnë ulje këtë javë të kurbës së infektimit nga koronavirusi. Mjeku infeksionist, Prof. Pëllumb Pipero, që është në vijën e parë të “zjarrit” që prej një muaji në Spitalin Infektiv të Qendrës Spitalore Universitare ”Nënë Tereza” në Tiranë, thotë për Dw se prognoza për javën që vjen është optimiste.

“Rënia e numrit  të rasteve reja të infektuara do të vazhdojë në mënyrë të qëndrueshme gjatë javës së ardhshme. Në gjysmën e dytë të muajit Prill  do të ketë raste të reja më të pakta. Gjithsesi tregues i saktë  do të jenë rezultatet e mostrave, të analizave, ” thotë për DW, Prof. Pipero.

Një muaj pas prekjes së Shqipërisë nga koronavirusi, pandemia ka përfshirë 17 bashki nga 61 që janë gjithsej, me 416 të infektuar, 23 viktima, 182 të shëruar, 3395 të testuar. Epiqendra vazhdon të mbetet Tirana me 199 raste, e ndjekur nga Shkodra me 49, Durrësi 38, Fieri 32, Korça 17, Elbasani 15, Lezha 14, Hasi 12, Kavaja 8,Lushnja, Vlora,Kruja 5, Puka, Tropoja, Rrogozhina 4, Mirdita 3 dhe Berati 2.

Por shifrat e ulura nuk përjashtojnë rikthimin e rritjes së kurbes së infeksionit. “Duhen respektuar në mënyrë rigoroze masat kufizuese të qeverisë, distancimi social dhe karantina, duhen zbatuar këshillatr e mjekeve. Me kete virus nuk bëhet shaka” paralajmëron Prof. Pipero

Rama: Dalja nga faza e parë e pandemisë në fund të Majit

Ulja e kurbës së infeksionit ka sjellë edhe parashikime optimiste afat-shkurtëra dhe lajme të mira për qytetarët dhe bizneset. Kryeministri Rama bëri me dije të premten, (10.04) se “në fund të Majit mund të ketë një dalje nga faza e parë përballjes së gjithanshme me “armikun e padukshëm” dhe një pjesë e madhe e aktivitetit ekonomik mund të rikthehet në  normalitet”.

“Do të zgjerojmë fashën orare të shërbimeve ushqimore, farmaceutike dhe bankare deri në orën 17.30, do të zgjerojmë mundësinë e lëvizjes së automjeteve private të atyre që punojnë në hapësirën e aktivitetit ekonomik”, bëri me dije kryemnistri Rama në një postim në median sociale, duke rritur me 4 orë e gjysëm në ditë lirinë e lëvizjes.

Albanien Tirana – Corona-Krise: Leere Straßen (DW/A. Ruci)

Rregulla dhe dënime të ashpra – reagon shoqëria civile

Por kjo rritje lirie pritet të shoqërohet me rritje dhe ashpërsim ndëshkimesh për shkelësit e rregullave. Maxhoranca socialiste ka propozuar të miratohen javën që vjen amendime në Kodin Penal. Argumenti i maxhorancës së majtë është shpallja e katastrofës natyrore, gjë që përligj parashikimin e sanksioneve në Kodin Penal, përve masave administratrive. Janë dy amendime në dy nene që propozohet të shtohen në Kodin Penal të vendit: i pari lidhet me moszbatimin e rregullave dhe urdhërave të nxjerra nga autoritetet, që do të konsiderohet kundravajtje penale dhe do të dënohet nga gjobë ose burgim deri në 6 muaj në varësi të shkeljes; i dyti lidhet me thyerjen  e karantinës. Neni i propozuar parashikon që shkelësit e karantinës, të infektuar ose jo dënohen me gjobë ose 10 vjet  deri në 15 vite burg.

Albanien Krankenhaus für Infektionskrankheiten in Tirana (DW/A. Ruci)

30 organizata të shoqërisë civile e kanë kundërshtuar propozimin e maxhorancës socialiste për ashpërsim të masave deri në burgim 15 vjet. Në një letër drejtuar Parlamentit ato kërkojnë rrëzimin e amendimeve pasi ato” cënojnë liritë dhe të drejtat themelore të njeriut”. Opozita e quan të pajustifikuar ashpërsimin  e masave me  amendimet në Kodin Penal pasi sipas saj “lufta me virusin corona fitohet me masa shëndetësore dhe ekonomike”. Por maxhoranca socialiste dhe qeveria Rama e quajnë të domosdoshme ashpërsimin e masaveme argumentin që e drejta për jetën është mbi të drejtat dhe liritë re tjera të qytetarëve.

FMN – 174 milionë Euro kredi për bilancin e pagesave

Kjo fundjavë solli edhe një tjetër lajm të mirë: kredinë  e FMN. Kjo kredi i ofrohet Shqipërisë nga aktivizimi i një instrumenti financiar të FMN, Instrumentit të Përgjigjes së Shpejtë për rastet e katastrofave natyrore. Bordi Ekzekutiv i FMN-së miratoi të premten, (10.04) këtë kredi si mbështetje emergjente për Shqipërinë për të përballuar nevojat urgjente të bilancit të pagesave, që ndodhet në situatë të vështirë jo vetëm nga pandemia Covid-19 por edhe nga tërmeti i nëntorit të kaluar.

“Rëndësi kritike ka sigurimi i shpenzimeve  të nevojshme për kujdes shëndetësor dhe për mbështetje të njerëzve dhe kompanive që janë dëmtuar nga pandemia,” thekson FMN në njoftimin për ofrimin e kredisë./DW

The post “Lufta kundër koronavirusit”/ Pipero për DW: Lajmi i mirë, ja çfarë pritet në gjysmën e dytë të prillit appeared first on Fast News Economy.

“Ka disa indikatorë që unë i konsideroj shumë të rëndësishëm. Në mendimin tim, kurba ka qenë e butë, jo shumë problematike për kapacitetet tona shëndetësore dhe kjo falë një sërë masah efektive dhe kërkesës së llogarisë për t’i zbatuar këto masa. Një rol të rëndësishëm kanë dhënë edhe këshillat e specialistëve.

Rënia numrit të telefonatave tek 127 është i dukshëm, ulja e rasteve që shtrohen çdo ditë dhe shtimi i rasteve të shëruara apo atyre që dalin çdo ditë është i dukshëm. Një indikator tjetë i rëndësishëm është, jo ulja e numrit të rasteve që merrren përmes testimeve, por ulja e përqindjes. Pra, sot kishim 9 raste dhe janë realizuar 230 mostra, pra është ulur përqindja e pozitivitetit.

Duke gjurmuar rastet e kontaktit, ne kemi patur përqindje relativisht të lartë 15% apo 16 % të pozitivitetit.

Kjo kurbë tek ne ka patur dy kulme të vogla. Unë besoj që ne e kemi kaluar pikun e epidemisë javën e shkuar, tani jemi në atë që ne e quajmë sheshpushim dhe besoj që fillimin e javës tjetër numri do shkojë duke rënë.

Besoj që nga fundi i prillit numri do të jetë shumë i ulët. Ndoshta do të kemi disa raste sporadike në maj. Jam shumë optimist që paralelisht me të do të shkojë dhe lirimi i masave”, deklaroi mjeku i njohur./Opinion.al

The post Pipero: Besoj që e kemi kaluar kulmin e epidemisë, ja kur e presim rënien appeared first on Fast News Economy.