Epidemiologu Rexhep Muja që zbuloi “pacientin zero” me koronavirusin në Shqipëri, ka treguar mbrëmjen e sotme se për familjarët e të infektuarit ishte shumë i dhimbshëm momenti kur mësuan se dy familjarët e tyre ishin pozitivë.

Pjesë nga intervista:

Ishit vetë për ta marrë tamponin?

Personalisht vetë.

Si u ndjetë kur rezultoi pozitiv si u ndjetë?

Kisha javën e shërbimit dhe gjatë gjithë javës ishim të ngarkuar. Nuk njihja as orët e gjumit. Kërkesat ishin të shumta, ishte javën e ngarkuar dhe nga mjeket e familjes. Ka qenë ditë e diel, shkova në vatër me masat mbrojtëse. Pash diçka të çuditshme, i sëmuri ishte i rënduar. Ishte i çuditshëm, i zverdhur. Mora dhe tamponët e familjarëve dhe të nesërmen dhe u zgjarua shumë rrethi i personave që ata kishin kontakte. Ishte shumë shqetësuese dhe e lodhshme. Nisëm një punë intensive ditën tjetër, ku u ngirtën grupet e punës.

Si u ndjeve, çfarë emocioni kishe?

Nuk do ta them, do të them vetëm kaq, akoma më rrëqethet mishi.

Kush ja dha lajmin pacitentit?

Unë ja thashë.

Nuk ishte e thjeshtë..

Ishte një panik në familjen e tyre, po u gjendëm pranë tyre. Këmi qenë disa herë në familje, u qëndruam afër nga ana sociale.

The post “Akoma më rrëqethet mishi”/ Epidemiologu Muja tregon momentin kur zbuloi pacientin e parë me koronavirus në Shqipëri appeared first on Fast News Economy.