Kjo qasje është në shumë vende dhe OBSH ka bërë thirrje se përdorimi i tyre mund të ketë edhe “efekte anësore”, raporton BBC.

Një ekspert paralajmëroi për “një pandemi paralele, për produkte nën standarde dhe të falsifikuara”.

Në të gjithë botën, njerëzit po grumbullojnë ilaçe bazë. Sidoqoftë, me dy prodhuesit më të mëdhenj në botë të furnizimeve mjekësore si Kina dhe India që janë në izolim tashmë, kërkesa tani tejkalon furnizimin dhe qarkullimi i medikamenteve false është në rritje.

Në javën kur OBSH e shpalli koronavirusin një pandemi, Operacioni Pangea, njësia globale e luftës kundër krimit farmaceutik, bëri 121 arrestime në 90 vende, duke rezultuar se sekuestrimi i ilaçeve të rrezikshme ishte me vlerë mbi 14 mln dollarë.

Nga Malajzia në Mozambik, oficerët e policisë konfiskuan dhjetëra mijëra maska të skaduara dhe ilaçe të rreme, shumë prej të cilave mendohet se kurojnë koronavirusin e ri.

“Tregtia e paligjshme e artikujve të tillë të falsifikuar mjekësorë gjatë një krize të shëndetit publik, tregon një mospërfillje totale për jetën e njerëzve,” tha Sekretari i Përgjithshëm i Interpolit, Jurgen Stock.

Sipas OBSH-së, tregtia e gjerë e ilaçeve të falsifikuara, e cila përfshin ilaçe të cilat mund të jenë të kontaminuara, përmbajnë përbërës të gabuar ose jo aktiv dhe kjo vlen më shumë se 30 bilion dollarë në vendet me të ardhura të ulëta dhe të mesme.

Industria farmaceutike globale vlen më shumë se 1 trilion dollarë. Zinxhirët e gjerë të furnizimit shtrihen gjatë gjithë rrugës nga prodhuesit kryesorë në vende të tilla si Kina dhe India, te depot e paketimit në Europë, Amerikën e Jugut ose Azi, deri tek shpërndarësit që dërgojnë ilaçe në çdo vend të botës.

Disa ndërmarrje farmaceutike në Indi thanë se ata tani veprojnë me 50-60% të kapacitetit të tyre normal. Ndërsa kompanitë indiane furnizojnë 20% të të gjitha ilaçeve themelore në Afrikë, kombet atje po preken në mënyrë të shpejtë nga koronavirusi i ri.

Ephraim Phiri, një farmacist në kryeqytetin e Zambisë Lusaka, tha se ai tashmë po ndjehej i frikësuar.

“Ilaçet tashmë po mbarojnë dhe ne nuk po i ri zëvendësojmë ato. Nuk ka asgjë që mund të bëjmë. Është vërtet e vështirë të marrësh furnizime, veçanërisht ilaçe thelbësore si antibiotikë dhe antimalarikë,” thekson Phiri.

Prodhuesit dhe furnitorët po luftojnë gjithashtu pasi përbërësit e papërpunuar për prodhimin e tabletave tani janë më të shtrenjta dhe disa kompani thjesht nuk mund të përballojnë dot tregun e ri.

Një prodhues në Pakistan tha se ai kishte blerë elementët e papërpunuar për një ilaç antimalarik të quajtur hidroklorurinë, për rreth 100 dollarë 1 kilogram. Por sot, kostoja është rritur në 1150 dollarë për një kilogram. Me një numër në rritje të vendeve që hyjnë në bllokim, nuk është vetëm zvogëlimi i prodhimit që është problematik, por është edhe rritja e kërkesës, pasi njerëzit në mbarë botën që janë në ankth grumbullojnë ilaçet thelbësore për shëndetin.

Ekspertët thonë se ky kombinim është një paqëndrueshmëri e furnizimit të dobët dhe kërkesës së rritur që ka bërë që OBSH të paralajmërojë një rritje të rrezikshme në prodhimin dhe shitjen e ilaçeve të rreme.

The post OBSH bën paralajmërimin e fortë për rrezikun që po i kanoset njeriut bashkë me pandeminë: Mund të ketë efekte… appeared first on Fast News Economy.

Fillimisht shkencëtarët francezë konstatuan se sipas një studimi të hershëm, nëse kombinohet Hdroxychloroquine, që më parë është përdorur kundër Malarias, me antibiotikun Azitrmycin, atëherë koronavirusit të quajtur Covid-19, i zvogëlohet qëndrueshmëria në trupin e pacientit. Ky kombinim u aprovua të përdorët për shërimin e të infektuarve në Shtetet e Bashkuara të Amerikës.

Klinika Infektive në QKUK ka konfirmuar për Gazetën Express se me këto ilaçe kanë filluar të trajtohen edhe pacientët e infektuar në Kosovë.

Ju njoftoj se Klinika Infektive ka filluar trajtimin e pacienteve me COVID 19 te rastet indikative me terapinë Hdroxychloroquine dhe Azitromicinë”, thuhet në përgjigjen e Klinikës Infektive.

Javën e kaluar Ministria e Shëndetësisë e ka konfirmuar për Gazetën Express se ilaçet e aprovuara në Amerikë kanë arritur në Kosovë, një dozë është blerë e një pjesë tjetër është siguruar nga një donator që nuk i dihet emri.

“Ministria e Shëndetësisë është në dijeni lidhur me terapinë në fjalë, dhe tashmë ajo ka siguruar një sasi nëpërmjet buxhetit të Shërbimit Spitalor dhe Klinik Universitar të Kosovës, kurse një pjesë e vogël është pranuar si donacion nga një operator i brendshëm ekonomik”, thuhet në përgjigjen e MSH’së.

The Washington Post javën e kaluar shkroi se në Nju Jork po rritet në një shkallë dhe një shpejtësi të paprecedentë, shpërndarja e dhjetëra mijëra dozave te pacientët shumë të sëmurë, të ilaçit që deri tash është përdorur kundër sëmundjes së Malarias.

Liderë politikë, përfshirë presidentin Trump, nxitën që të përdoren këto ilaçe të patestuara se mund të jenë efektive ndaj koronavirusit, shkruan The Washington Post.

Sipas kësaj gazete, ekspertët e shëndetësisë kanë rezerva mbi ilaçet sepse ato mund të shkaktojnë atak kardiak apo dëmtim të syve apo edhe mund ta lënë në gjendje kome pacientin.

“Është ngritur si shqetësim në mesin e ekspertëve të shëndetit për rreziqet që lidhen me këtë ilaçe, përfshirë sulmin në zemër dhe humbjen e shikimit”, shkroi WP.

Presidenti Trump në një konferencë për media më 20 mars tha se “nuk kanë asgjë për të humbur”, kur u pyet për rrezikun që mund ta shkaktojnë “ilaçet e patestuara”.

Në Kosovë deri tash janë 126 raste të infektuara me virusin Covid-19. Prej tyre 10 janë shëruar e një ka vdekur. /Express/

The post Ilaçet e aprovuara nga Presidenti Trump për të luftuar koronavirusin nis përdorimin edhe në Kosovë, ja efektet appeared first on Fast News Economy.