Për shkak të situatës së krijuar nga COVID19, nuk do të të ketë njerëz të pranishëm edhe as nuk mund të kryhen homazhe.

Por nga ana tjetër qytetarët shkodranë mesa duket e kanë gjetur një mënyrë për të nderuar aktorin e tyre të preferuar.

Drejtoresha e Teatrit të Shkodrës Rita Gjeka ka folur për mediat, duke u përlotur pasi Gëzim Kruja meriton shumë më shumë se kaq dhe se e gjithë kjo situatë është shumë e dhimbshme.

“Qenka shumë e rëndë, unë e kam dhimbjen shumë të madhe, sepse Gëzim meriton shumë më shumë. Është bërë një organizim i vogël, që nga dritaret do të dalin të gjithë e t’i japin duartrokitjen e fundit, kur të kalojë makina e funeralit. Është një gjë jashtëzakonisht e dhimbshme. Isha 14 vjeçe kur kam dalë për herë të parë në skenë me Gëzim Krujën, nuk do ta harroj kurrë. Ai i ka marrë dhe do vazhdojë t’i marrë duartrokitjet, sepse është i pavdekshëm, por do na mungojë”, u shpreh Gjeka.

Që prej kur nuk ishte mirë?
Ka një vit e gjysmë që nuk ishte mirë. Megjithatë, shokët e tij i organizuan një drekë për 80-vjetorin. Atij iu bë shumë qejfi me të, dhe mund të jetë takimi i fundit që ai pati me të gjithë shokët dhe miqtë bashkë. Ai ka ditur me i fal dashuri gjithkujt. Ne mund ta numërojmë Gëzimin si një person i përditshëm. Edhe pse nuk ishte njeri i teatrit, ai ka qenë përditë me ne.

The post Nuk lejohen homazhet, por kjo është mënyra që shkodranët do nderojnë për herë të fundit aktorin Gëzim Kruja appeared first on Fast News Economy.

Mësohet se aktori i njohur i humorit shkodran, Gëzim Kruja është ndarë nga jeta pasi vuante nga një sëmundje e rëndë.

Ai konsiderohet si një nga kollosët më të mëdhenj të artit, e sidomos për zhanrin e bukur të humorit.

Prej vitesh, Kruja i ka munguar publikut edhe për shkak të problemeve të tij shëndetësore, dhe sot është shuar në moshën 81-vjeçare.

Aktori Gëzim Kruja, u lind në Shkodër më 1939.

Karrierën humoristike e nisi që në moshën 13-vjeçare. Fillimet me Estraden amatore nisin qe ne kohen kur ishte ushtar me 1958.

Më pas vazhdon aktivizimin në vitin 1960 me Estradën profesioniste të Shkodrës. Gëzim Kruja ka mbaruar në vitin 1979 Institutin e Lartë Pedagogjik, dega e Gjuhës dhe Letërsisë në Shkodër.

Ka shkruar 15 komedi, 10 recitate, 2 libra me monologe gazmorë. Ka interpretuar mbi një mijë role ne skeçe të ndryshme dhe ka 52 vite që ushtron profesionin e humoristit.

The post Tronditet arti shqiptar, ndahet nga jeta aktori i humorit Gëzim Kruja appeared first on Fast News Economy.