Meta i ka bërë thirrje Policisë së Shtetit që të respektojë artistët dhe të mos ushtrojnë dhunë fizike ndaj tyre.

Sipas Kreut të Shtetit as sampistët e Ramiz Alisë nuk e kanë prekur me dorë Edmond Budinën në dhjetor të vitit 1990.

“Rrethimi me policë i Teatrit Kombëtar dhe përplasjet fizike me komunitetin e artistëve, të cilët janë aty në mbrojtjen e një prej vlerave të trashëgimisë tonë historike, kulturore e kombëtare, janë një ngjarje e shëmtuar dhe e turpshme.

I bëj thirrje Policisë së Shtetit të respektojë artistët dhe të mos i dhunojë ata fizikisht në ushtrimin e së drejtës së tyre për të protestuar ndaj një vendimi abuziv e korruptiv për prishjen e godinës së Teatrit, dhe as t’i lëndojë ata shpirtërisht, në respekt të dinjitetit njerëzor dhe kontributeve të vyera që kanë dhënë për artin e kulturën kombëtare.

As sampistët e Ramiz Alisë nuk e kanë prekur me dorë Edmond Budinën në dhjetor ’90!

Shumë turp! Shumë turp! Shumë turp!”, shkruan Presidenti.

The post Përplasja fizike te Teatri Kombëtar, revoltohet Meta: Turp, as sampistët e Ramiz Alisë nuk e kanë prekur me dorë Budinën appeared first on Fast News Economy.